Juan 20:19 - Ing Mayap a Balita Biblia

¹⁹ Kanitang bengi na ning aldo mu ring ita, mitipun la ding alagad. Pakasara la ding pasbul king lugal nung nu la makatipun uli na ning takut da karing Judio. Dinatang ya i Jesus at tinalakad ya libutad da. Ngana karela, Kapayapan keko ngan.

Juan 20:19 Iomraidhean Croise

Ding Dalit 122:8

Alang-alang karing kamaganak at kaluguran ku, keka Jerusalem, sabian ku, Ing kapayapan manatili keka!

Mateo 10:13

Nung tanggapan da kayu ding manuknangan king pibalebaleng ita, paburen yung manatili karela ing kapayapan; nung e ra kayu tanggapan, ibawi yu ing kekong pamamuge.

Mateo 18:20

Uling nukarin man ating adua o atlu kataung mititipun king lagyu ku, atyu ku libutad da.

Marcos 16:14

Katataulian, pepakit ya i Jesus karing labing metung kabang mamangan la. Sebianan na la uli na ning keyalan dang kasalpantayanan at ning kesiasan dang buntuk, at uling e la bisang maniwala karing menakit keya kaybat nang sinubling mebie.

Juan 14:27

Ing kapayapan lalakuan ku kekayu; ing kanakung kapayapan babie ku kekayu, ing kapayapan a e na kalupa ning babie ning yatu. E kayu sukat mababalisa o mitakutan man.

Juan 16:22

Makanyan munaman kekayu: malungkut kayu ngeni, oneng pakikitan da kayung pasibayu, at mikatmuan la king tula ding pusu yu. E na adayu ning ninuman ing tula yu.

Juan 16:33

Sinabi ku la deting bage ban mika kapayapan kayu king pamakiabe yu kanaku. Mika kasakitan kayu keti king yatu; oneng magpakatatag kayu! Migtagumpe na ku king yatu!

Juan 20:21

Pasibayu nang sinabing Jesus karela, Kapayapan keko ngan. Nung makananu na kung tinubud ning Ibpa, makanyan da kayu namang tutubud.

Juan 20:26

Pangalabas da ring walung aldo, makatipun lang pasibayu ding alagad king bale at kayabe re i Tomas. Makasara la ding pasbul, oneng linub ya i Jesus at tinalakad ya libutad da. Nganang Jesus karela, Kapayapan keko ngan.

Juan 21:1

Kaybat na nita, pasibayu yang pepakit i Jesus karing alagad na king pampang na ning Dagat-dagatan ning Tiberias. Pepakit ya king anti kaniting paralan.

Juan 21:14

Iti ya ing katlung pamipakit nang Jesus karing alagad kaybat nang sinubling mebie.

Juan 7:13

Oneng alang migsalitang hayagan tungkul kang Jesus uli na ning takut da karing pamuntuk da ring Judio.

Ding Dapat 1:3

Kilub ding apat apulung aldo, kaybat ning kamatayan na, maralas yang pepakit karela king miyayaliwang paralan a e karaniwan bilang patutu king ya mabie ya. Ikit de at akasabi na la tungkul king Kayarian ning Dios.

Roma 15:33

Mananu na sanang ing Dios a panibatan na ning kekatamung kapayapan manatili ya kekayu ngan. Amen.

1 Corinto 15:5

king pepakit ya kang Pedro at kaybat karing labing aduang apostol.

Efeso 2:14

I Cristo mismu pikakasundu na katamu. Ikaming Judio at ikayung paganu pisanmetung na katamu. King kapamilatan na ning katawan na, leko na ing pamipagkamua a balamu pader a mamilatan kekatamu.

Efeso 6:23

Ing kapayapan at ing lugud ampon ing kasalpantayanan ibie na sa ning Dios Ibpa at ning Ginung Jesu-Cristo karing sablang kapatad.

Filipos 1:2

Ing grasya at kapayapan ibie na sa kekayu ning Dios a Ibpa tamu at ning Ginu tamung Jesu-Cristo.

2 Tesalonica 3:16

Mananu na sanang ing Ginu mismu a panibatan na ning sablang kapayapan, dinan na kayung kapayapan king sablang panaun at king sablang paralan. Ing Ginu manatili ya kekayu ngan.

Hebreo 7:2

Binie nang Abraham kang Melkisedek ing kapulung dake na ning sablang ikua na king labanan. (Ing mumuna nang kabaldugan ning lagyung Melkisedek ya ini: Ari ning Katuliran. At uling ya ing ari na ning Salem ing lagyu na mangabaldugan ya munamang: Ari ning Kapayapan.)

3 Juan 1:14

Asahan kung mikit kata king lalung malaguang panaun at kanita ta na mipagsalita.

Kapahayagan 1:4

Iti ibat kang Juan at parala ne karing pitung iglesia king probinsia na ning Asia: Miyabie sana kekayu ing grasya at kapayapan ning Dios, ing Dios ning kasalukuyan a panaun, ning milabas, at ning panaun a daratang, at ibat karing pitung espiritu a atyu arap ning tronu na,