Juan 20:16 - Ing Mayap a Balita Biblia

¹⁶ Maria! nganang Jesus. Inarapan ne at sinabi na, Rabboni! (Ngana wari king Hebreo Maestro.)

Juan 20:16 Iomraidhean Croise

Genesis 22:1

Kaybat dang milyari deting bage, sibukan ne ning Dios i Abraham. Abraham, ngana. Nanu pu? nganang mekibat.

Genesis 22:11

Oneng inaus ne ning anghel ning Ginu. Ngana, Abraham, Abraham! Nanu pu? nganang mekibat.

Genesis 45:12

Ngana pang Jose, Saksi kayu at saksi ya i Benjamin a kapatad ku king aku pin i Jose.

Exodo 3:4

Inyang ikit na ning Ginu king lalapit ya i Moises, inaus ne ibat king milalablab a tanaman. Ngana, Moises, Moises! Nanu pu? nganang mekibat Moises.

Exodo 33:17

Ngana ning Ginu kang Moises, Daptan ku itang nung nanu ing inawad mu uling tune ra kang balu at tutula ku keka.

Ing Malagung Diling Kanta 3:4

Inyang likuan ku na la ding guardia, ikit ke ing pakamalan a kaku babie ligaya. Kinaul ke at e ke buring mako angga king tinaid ke king bale at kuartu nang ima ku nung mu ku mibait.

Ing Malagung Diling Kanta 5:2

Matudtud ku, oneng makagising ya ing pusu ku. Kabud-abud ing kakung pakamalan dimdam keng tutuktuk king pasbul. Ngana kaku, Paluban mu ku, O sinta ku, kakung kaluguran at sakdal kung kaligayan! King ambun mebasa ya ing kakung buntuk, at king ulap ing kakung buak.

Isaias 43:1

Israel, ing Ginung keka linalang sasabian na, E ka tatakut; iligtas da ka. Inaus da ka king kekang lagyu; bandi ra ka.

Mateo 14:27

Agad-agad yang minaus karela i Jesus. Ngana, E kayu tatakut! Aku i Jesus!

Marcos 10:51

Kitang nang Jesus, Nanu ing buri mung daptan ku keka? Maestro, nganang mekibat ning bulag, buri ku, manakit ku sanang pasibayu.

Lucas 10:41

Pekibat ning Ginu, Marta, Marta, maliligalig ka at mayayabala karing dakal a bage,

Juan 1:38

Melikid ya i Jesus at kitnan na la inyang ikit nang tutukian de, Nanu ing panintunan yu? Mekibat la, Rabbi (ing buri nang sabian niting amanu, Maestro), nu karin ka manuknangan?

Juan 1:49

Nganang Nathanael, Maestro, ika ing Anak ning Dios! Ika ing Ari ning Israel!

Juan 10:3

Ya ing bubuklatanan na ning bante pasbul. Pakiramdaman da ring tupa ing siwala na kabang ausan na la king lagyu ra at panimunan na la king paglual da.

Juan 11:28

Pangasabi na niti, meko ya i Marta at inaus ne i Mariang kapatad na at sinitsit na, Atyu ing Maestro, kukutang na ka.

Juan 13:13

Ausan yu kung Maestro at Ginu at tinud kayu; uling makanyan ku pin.

Juan 20:28

Mekibat ya i Tomas, Ginu ko at Dios ko!

Juan 3:2

Misan a bengi, iting lalaki minta ya kang Jesus. Ngana kang Jesus, Maestro, balu mi king metung kang talaturu a menibat king Dios, uling alang makagawa karing milagrung daraptan mu subali mu nung mamantabe ya keya ing Dios.

Juan 5:2

Karin lele na ning Pasbul ding Tupa, ating sibul a king salitang Hebreo mayayaus yang Betsata. Atin yang limang balkon.

Juan 6:25

Inyang ikit da ne i Jesus king kangatba na ning dagat, kitnan de. Ngara, Maestro, kapilan ka pa dinatang keti?

Ding Dapat 10:3

Misan a gatpanapun, itang bandang alas tres, menakit yang vision nung nu ne ikit masalese dinatang keya ing metung a anghel na ning Dios at dimdam nang inaus ne lagyu, Cornelio!

Ding Dapat 9:4

Miragsa ya king gabun at dimdam ne ing metung a siwala a mamaus keya. Ngana, Saulo, baket liligaligan mu ku?

1 Samuel 3:10

Dinatang ya ing Ginu at lepitan ne i Samuel; inaus ne kalupa ning gewa na. Ngana, Samuel, Samuel! Magsalita kayu, Ginu, at makiramdam ya ing talasuyu yu, nganang mekibat Samuel.

1 Samuel 3:6

Nganang pasibayung minaus ning Ginu, Samuel! Mibangun ya i Samuel at minta ya kang Eli at ngana, Ausan yu ku po? Nanu pung buri yu? Pekibat nang Eli, E ra ka inaus, anak ko; sulung matudtud na kang pasibayu.