Juan 2:4 - Ing Mayap a Balita Biblia

⁴ Nganang mekibat Jesus, Babae, paburen mu, ing oras ku e pa dinatang.

Juan 2:4 Iomraidhean Croise

2 Samuel 16:10

Ngana ning ari, E me pakialaman. Ala katang parehung matulid nung inutus ning Ginu kang Simei ing panagkasan na ku.

2 Samuel 19:22

Pekibat nang David, Ikayung anak nang Zeruia, nanung matulid yu kaniting pisasabian? Ba't balu yu pa kanaku? Aku ing ari na ning Israel at alang sukat mate a Israelita king aldong iti.

1 Ari 17:18

Ngana ning ima kang Elias, Talasuyu ning Dios, obat depatan mu iti kanaku? Dinatang ka wari keti ban ipaganaka mu la kanaku ding kasalanan ku king Ginu at paten ing anak ko?

Ecclesiastes 3:1

Ating mitakdang panaun para king sablang bage; ating oras ing sablang malilyari keti king yatu.

Mateo 15:28

Kanita nganang mekibat Jesus, Babae, karagul mu kasalpantayanan! Matupad ing kekang aduan. Kanita mu rin kinayap ya ing anak na.

Mateo 8:29

Kabud-abud ngarang kinulisak, Anak ning Dios, baket pakialaman mu kami? Dinatang ka wari keti ba mu keng pasakitan agyang e pa miras ing mituldung panaun?

Lucas 2:49

Pekibat na karela, Baket penintun yu ku? E yu wari balu king kailangan kung atyu king bale nang Ibpa ko?

Juan 12:23

Pekibat nang Jesus, Dinatang na ing oras ban mipaligayan ya ing Anak ning Tau.

Juan 13:1

Bespera na kanita ning Piesta ning Pamaglagpus. Balu nang Jesus king dinatang na ing oras na ban mako ya keti king yatu at mibalik ne king Ibpa. Kaluguran na la ding bandi na a atyu king yatu at liguran na la angga king kawakasan.

Juan 2:3

Megisan ing alak, inya i Mariang ima nang Jesus sinabi na keya, Kegisanan lang alak.

Juan 20:13

Kitnan de, Babae, obat kikiak ka? Mekibat ya, Kasi kinua re ing Ginu ku at e ku balu nung nu re dela!

Juan 20:15

Kitnan neng Jesus, Babae, obat manangis ka? Ninung panintunan mu? Bala nang Maria ya ing hardinero, inya sinabi na, Nung ikang kinangwa keya, ginu, sabian mu kanaku nung nu me dela at kuanan ke.

Juan 7:30

Uli na niti, buri deng dakpan; oneng alang dinakap keya uling e pa miras ing oras na.

Juan 7:6

Nganang Jesus karela, E pa dinatang ing panaun ku, oneng ing panaun yu e mamako.

Juan 7:8

Ikayu na mung makipamiesta. E ku tumagun uling e pa panaun ban kimut ku.

Juan 8:20

Sinabi na lang deting amanu Jesus king lugal a pibaldugan ain kabang tuturu ya king Templo. Oneng alang dinakap kang Jesus uling e pa dinatang ing oras na.

2 Corinto 5:16

Uli na niti, ing paglalawe mi ngeni kaninuman e makatalakad king paniukad na ning tau. King milabas a panaun, makanyan ing panlalawe mi kang Cristo. Oneng ngeni e na makanyan.

Deuteronomio 33:9

Mas kaluguran na ka kesa karing pengari na, kapatad at anak na, uling pamintuan na la ding kekang kautusan, at tapat king kekang kasunduan.