Juan 2:25 - Ing Mayap a Balita Biblia

²⁵ E na kailangan pa ing damdaman na king aliwa ing tungkul king ninumang tau uling ya mismu balu na ing atyu king pusu na ning tau.

Juan 2:25 Iomraidhean Croise

1 Ari 8:39

pakiramdaman mu la sana kanita ken king banuang kekang tuknangan, at patawaran ing depat dang pamikasala, uling ikang bukud ing makibalu king pusu ning tau. Inya ika ing munie ablas agpang king depat da.

Isaias 11:3

ing ligaya na atyu king pamaniuyu king Ginu. E ya matul agpang king akakit ding mata na o king daramdaman ding balugbug na.

Mateo 9:4

Balu nang Jesus itang atyu king lub da, inya ngana karela, Obat marawak kayu isipan?

Juan 1:42

At tiki neng Andres i Simon kang Jesus. Linawe neng Jesus at ngana, Ika i Simon a anak nang Juan. Mayaus kang Cefas. (Ngana wari, Pedro.)

Juan 1:47

Inyang ikit nang Jesus king lalapit ya keya i Nathanael, nganang migsalita tungkul kang Nathanael, Oyan ing tune Israelita! Keya ala kang akit a pamagkunwari!

Juan 13:11

Uling balu nang Jesus nung ninung magtaksil keya; inya sinabi na, E ikayu ngan malinis na kayu.)

Juan 6:61

Oneng balu nang Jesus king mibubulungan la tungkul kaniti. Inya sinabi na karela, Magugulu kayu pamisip kanite?

Juan 6:64

Oneng ating mapilan kekayu a e maniwala. (Uling manibat king kapupurmeruan balu nang Jesus nung ninu ding e maniwala at nung ninu ing magtaksil keya.)

Deuteronomio 31:21

Datang kanita karela ing dakal a sakit at kaguluan. Oneng iting kanta a e ra akalinguan ding karelang lahi, arapan na la anting peka saksi ku laban karela. Ngeni pa balu ku na ing isipan da agyang e la pa miras king gabun a pengaku kung ibie karela.