Juan 2:24 - Ing Mayap a Balita Biblia

²⁴ Makanyan man e migtiwala i Jesus karela uling balu na la ding tau.

Juan 2:24 Iomraidhean Croise

1 Ari 8:39

pakiramdaman mu la sana kanita ken king banuang kekang tuknangan, at patawaran ing depat dang pamikasala, uling ikang bukud ing makibalu king pusu ning tau. Inya ika ing munie ablas agpang king depat da.

1 Cronica 28:9

At ngana kang Solomon, Solomon, anak ku, kilalanan me sana ing Dios nang tata mu at suyuan me king mabilug mung pusu at king kaisipan at king mitmung katapatan, uling asasalugsugan na la ding sabla tamung isipan at kapagnasan. Siguradung akit me, nung panintunan me; nung lakuan me, lakuan na ka naman king kapilan pa man.

1 Cronica 29:17

Balu ku, O Dios, king sasalugsugan me ing pusu at tutula ka karing taung matulid. Iyain ku ngan iti king kusang lub. Ikit kung matula ing kalausan dang lub minie deting taung kekang memalen.

Jeremias 17:9

Ninu ing makibalu king pusu ning tau? Tune yang mapaglinlang at e mayap.

Mateo 9:4

Balu nang Jesus itang atyu king lub da, inya ngana karela, Obat marawak kayu isipan?

Marcos 2:8

Agad nang balung Jesus ing atyu king pilubluban da; inya ngana karela, Obat mimisip kayung makanyan?

Juan 1:42

At tiki neng Andres i Simon kang Jesus. Linawe neng Jesus at ngana, Ika i Simon a anak nang Juan. Mayaus kang Cefas. (Ngana wari, Pedro.)

Juan 16:30

Balu mi na ngeni king balu mu ing sabla, at e na kailangan ing kutnan na ka ning ninuman. Uli na niti, paniwalan mi king menibat ka king Dios.

Juan 21:17

Kitang na king katlung besis, Simon, anak nang Juan, kaluguran mu ko? Melungkut ya i Pedro uling mekatatlu na kitang: Kaluguran mu ko? At mekibat ya, Ginu, balu mu ing sabla; balu mu king kaluguran da ka! Sinabi nang Jesus, Pakanan mu la ding tupa ku.

Juan 4:16

Nganang Jesus king Samaritana, Puntalan me at ausan ing asawa mu, at kaybat mibalik ka keti.

Juan 5:42

Oneng balu ra kayu; balu ku king ala kayung lugud king Dios.

Juan 6:15

Balu nang Jesus king buri deng lapitan ban pilitan deng gawan ari. Inya meko yang pasibayu at minta yang magdili-dili king bunduk-bundukan.

Juan 6:64

Oneng ating mapilan kekayu a e maniwala. (Uling manibat king kapupurmeruan balu nang Jesus nung ninu ding e maniwala at nung ninu ing magtaksil keya.)

Ding Dapat 1:24

Kaybat ngarang menalangin, Ginu, atataruk me pilubluban ing balang tau. Uli na niti, O Ginu, ipakit mu kekami nung ninu kareting adua ing kekang pinili

Ding Dapat 15:8

At ing Dios a makakilala king isipan da ring tau, pepakit na ing tula na karing paganu king kapamilatan na ning pamamie na karela king Banal a Espiritu antimo nung makananu neng binie kekatamu.

Deuteronomio 31:21

Datang kanita karela ing dakal a sakit at kaguluan. Oneng iting kanta a e ra akalinguan ding karelang lahi, arapan na la anting peka saksi ku laban karela. Ngeni pa balu ku na ing isipan da agyang e la pa miras king gabun a pengaku kung ibie karela.

Hebreo 4:13

Ala kang asalikut nanuman king Dios. Ing sablang melalang makabuklat at makalantad king panimanman na at king Dios tamu munie kwenta tungkul king kekatamung sarili.

Kapahayagan 2:23

Paten ku la naman ding anak na ban kanita abalu da ring sablang iglesia king aku ing susuri king pusu at isip da ring tau. Ablasan ke ing balang metung kekayu ketang depat yu.

1 Samuel 16:7

Oneng ngana ning Ginu kang Samuel, E ka lalawe king sintingan o king katas na uling aliwa ya ing pinili ku. E na kalupa ning pamaglalawe na ning tau ing pamaglalawe ku. Lalawe ya mu ing tau ketang makalual king tau, oneng aku, ing Ginu, lalawe ku king pusu.