Juan 2:18 - Ing Mayap a Balita Biblia

¹⁸ Uli na niti, kitang da ring Judio kang Jesus, Nanung tanda a pagmumulalan ing gawan mu ban apakit mu kekami king atin kang matulid dapat kaniti?

Juan 2:18 Iomraidhean Croise

1 Ari 13:3

Ngana pang sinabi king aldo mu ring ita, Iti ya ing tanda king migsalita ya ing Ginu: Malasak ya iting altar, at misambulat ing abu a atyu babo na.

Exodo 7:9

Nung aduan ning ari ing patunayan yu ing kekong sarili king kapamilatan ning pamaniapat metung a bage pagmumulalan, sabian mu kang Aaron king kuanan ne ing tukud na at iyatsa ne king arapan ning ari at maging ubingan ya.

Mateo 21:23

Linub yang pasibayu king Templo i Jesus; kabang tuturu ya, linapit la ding pamuntuk da ring pari ampon ding makatua ning balen at ngara, Nanu ing kayupayan mung gawa kareting bage? Ninung minie keka king kayupayan a yan?

Marcos 8:11

Detangan de ring mapilan a Pariseo i Jesus at megumpisa lang mekiargu keya. Buri deng arakap king pamagsalita na. Inawad da kang Jesus king pakit yang metung a milagru a patutu king ing upaya na manibat banua.

Lucas 11:29

Nganang Jesus kabang pilulupungan de ring dakal a tau, Karawak da ring tau king panaun a ite! Manintun lang milagru, oneng alang miyabie karela subali mu king milagru nang Jonas.

Juan 1:19

Iti ing patutu nang Juan kanitang mitubud lang pari at Levita ding Judio ning Jerusalem ban ikutang da keya: Ninu ika?

Juan 1:25

Kitnan da ne naman i Juan, Baket maminyag ka ngening aliwa pala ika ing Cristo o i Elias o ing Propeta?

Juan 6:30

Ngara kang Jesus, Nanu ing milagrung arapat mu ban akit mi at maniwala kami keka? Nanu ing kekang daptan?

Ding Dapat 4:7

Pepatalakaran da la king arap da ring apostol at kitang da karela, Makananu yung depat iti? Nanu ing kayupayan yu o isanung lagyu ing ginamit yu?

Ding Dapat 5:28

Ngana karela, Maigpit da kayung tintuan king tuknang na kayung tuturu tungkul king lagyu na ning taung iti; lawan yu nung nanu ing kekayung depat! Kinalat yu na king mabilug a Jerusalem ing kekayung tuturu at buri yu pang iparsala kekami ing pangamate na!