Juan 2:16 - Ing Mayap a Balita Biblia

¹⁶ Nganang Jesus karing magtindang patipati, Ilako yu la keti ren! E ye gagawan palengki ing bale nang Ibpa ku!

Juan 2:16 Iomraidhean Croise

Jeremias 7:11

Bala yu galang salikutan ya ing Templo ku para karing mapanako? Akakit ku ing pamaniaptan yu.

Mateo 21:12

Tinaglus ya king Templo i Jesus at penabi na la ngan ding sablang mamisali at maniali karin; penuag na la ding lamesa da ring maglibe salapi at ding luklukan da ring mamisaling patipati.

Mateo 21:13

Ngana karela, Mayayakit karing Kasulatan king ing Dios sinabi na: Ing bale ku mayaus yang bale pipanalanginan. Oneng gewa yeng pugad da ring mapanako!

Mateo 22:5

Oneng e ra pinsinan iti ding mekumbira. Sinulung na ning balang metung ing lakad na; minta ya ing metung king asikan na at ing metung naman minta ya king negosyu na.

Marcos 11:17

Tiru na la kanita ding tau. Ngana, Makasulat karing Kasulatan king sinabi na ning Dios, Ing bale ku mayaus yang bale pipanalanginan para karing sablang tau. Oneng gewa yeng pugad da ring mapanako!

Lucas 2:49

Pekibat na karela, Baket penintun yu ku? E yu wari balu king kailangan kung atyu king bale nang Ibpa ko?

Juan 10:29

Ing Ibpa ku a minie kareti kanaku maygit ya karing sabla at alang makasamsam kareti king gamat nang Ibpa ku.

Juan 2:15

Ginawa yang pamarug a lubid at tinabi na la ngan king Templo ding magtinda, pati na ding tupa at baka. Piniambulat na la ding salapi da ring maglibe salapi at penuag ding karelang lamesa.

Juan 20:17

Nganang Jesus kang Maria, E mu ku tatagkilan uling e ku pa pepaitas papunta king Ibpa. Munta ka karing kapatad ku at sabian mu karela king paitas na kung magbalik kang Ibpa ku at Ibpa yu, king Dios ku at king Dios yu.

Juan 5:17

Oneng pekibatan na lang Jesus. Ngana, Alang tuknang ing pamagobra nang Ibpa ku at aku man kailangan kung magobra.

Juan 8:49

Mekibat ya i Jesus, E na ku alipnan ning demonyu, nune igagalang ke ing Ibpa ku, oneng ikayu e yu ku gagalangan.

1 Timoteo 6:5

at alang kawakasan a pamakitaltalan karing bukut a matulid, at e na makakilala king katutuan. Isipan da king ing relihiun paralan ya ban misalapi la.

2 Pedro 2:3

King karelang kasakiman, paglinlangan da kayu karing makawiling pamagsalita ba rang akua ing kekayung kayatinan. Malambat neng makasadia ing Manukum karela at e ya matudtud ing Mamuksa karela.