Juan 2:11 - Ing Mayap a Balita Biblia

¹¹ Iti milyari karin Cana, Galilea; iti ya ing mumunang milagru a depat nang Jesus. Karin na pepakit ing kayupayan na at iti meging dalan ne ning pamaniwala ra keya ding alagad na.

Juan 2:11 Iomraidhean Croise

1 Ari 17:24

Ngana ning babai kang Elias, Ngeni ku apatunayan king ika tune na kang talasuyu ning Dios, at ing amanung sasabian yung ibat king Ginu pawang katutuan.

Ding Dalit 72:19

Purian yang alang angga ing mayupaya nang lagyu; mananu na sanang kumatmu ya ing yatu king ligaya na!

Ding Dalit 96:3

Ing kayupayan na karing bansa ibalita yu, at ding makapagmulalang dapat na karing sablang tau.

Exodo 14:31

Miyatdanan lang takut king Ginu ding Israelita inyang ikit da ing maragul nang upaya ning Ginu a ginamit na king pamagwagi na karing tau Ehipto; mika tiwala la king Ginu at king talasuyu nang i Moises.

Exodo 4:9

Nung sakaling e la pa maniwala kareting aduang bage pagmumulalan at e la bisang makiramdam king sasabian mu, kuma kang ditak a danum king Ilug ning Nilo at ibulus mu king gabun. Maging daya ing danum.

Ecclesiastes 9:7

Sulung, kanan mu ing kekang pamangan at magsaya ka; inuman mu ing kekang alak ban tumula ka uling e ya tutul ing Dios.

Isaias 40:5

Kanita ing ligaya ning Ginu mibulalag ya, at akit da iti ding sablang tau. Ing Ginu mismu ya ing migsalita.

Malakias 2:2

Sukat yu kung galangan king nanumang kekayung daraptan. Nung e kayu makiramdam king sasabian ku kekayu, miparala kung sumpa kekayu. Mibili kung sumpa karing bage tatanggapan yu para king kekayung pangabiayan. Mibili na kung sumpa kareti uling e yu pinsinan ing yuyutus ku kekayu.

Juan 1:14

Meging tau ya ing Amanu at mekipanuknangan ya kekatamu. Ikit mi ing kamalan na a mitmung lugud at katutuan, ing kamalan a mangaintulid mung bukud king bugtung nang Anak ning Ibpa.

Juan 1:17

Binie ne ning Dios ing Kautusan king kapamilatan nang Moises, oneng ing lugud na at katutuan miras karing tau king kapamilatan nang Jesu-Cristo.

Juan 1:43

Kabukasan, birian nang Jesus ing munta ya Galilea. Atagpuan ne karin i Felipe at nganang Jesus, Tuki ka kanaku! (

Juan 1:50

Mekibat ya i Jesus, Maniwala ka wari uli na mu ning sinabi ku kekang ikit da kang atyu lalam ning tanaman a higera? Maygit pa kanyan ing akit mu!

Juan 10:41

At dakal lang tau ding minta kang Jesus. Ngara, Ala yang depat a milagru i Juan, oneng tutu ing sablang bage sinabi na tungkul king taung iti.

Juan 11:15

Oneng king uli yu matula ku king ala ku karin ban maniwala kayu. Tara, puntalan ta ya.

Juan 11:47

Inya ding Pariseo ampon ding pamuntuk da ring pari inawad dang mipulung ya ing Sanhedrin. Ngarang kinutang, Nanu ing daptan tamu? Darapat yang dakal a milagru ing taung iti!

Juan 12:18

Iti ya ing sangkan nung inya selubungan de i Jesus ding dakal a tau; abalitan da king ya ing dinapat kaniting milagru.

Juan 12:37

Agyang dakal ing milagrung depat na king akakit da, makanyan man e la meniwala keya.

Juan 12:41

Sinabi nang Isaias iti uling ikit na ing ligaya nang Jesus at migsalita ya tungkul keya.

Juan 14:13

Ing nanumang aduan yu king lagyu ku daptan ku ban mipaligayan ya ing Ibpa king kapamilatan na ning Anak.

Juan 16:27

uling ing Ibpa mismu kaluguran na kayu. Kaluguran na kayu uling liguran yu ku at meniwala kayung ibat ku king Ibpa.

Juan 16:30

Balu mi na ngeni king balu mu ing sabla, at e na kailangan ing kutnan na ka ning ninuman. Uli na niti, paniwalan mi king menibat ka king Dios.

Juan 2:1

King katlung aldo mika kasalan king Cana, Galilea. Atyu karin ing ima nang Jesus.

Juan 2:23

Kanitang atyu Jerusalem i Jesus king Piesta ning Pamaglagpus, dakal lang tau ding meniwala keya inyang ikit da la ring makapagmulalang tanda a depat na.

Juan 3:2

Misan a bengi, iting lalaki minta ya kang Jesus. Ngana kang Jesus, Maestro, balu mi king metung kang talaturu a menibat king Dios, uling alang makagawa karing milagrung daraptan mu subali mu nung mamantabe ya keya ing Dios.

Juan 4:3

Inyang abalu na iting Jesus, meko ya Judea at mibalik ya Galilea.

Juan 4:46

Mibalik yang pasibayu king Cana, Galilea, nung nu na gewang alak ing danum. At karin Capernaum ating metung a opisyal na ning gobiernu; masakit ya ing anak nang lalaki.

Juan 4:54

Iti ya ing kaduang milagrung depat nang Jesus inyang dinatang ya Galilea ibat Judea.

Juan 5:23

ban ding sabla gumalang la king Anak, antimo ing pamangalang da king Ibpa. Itang e gagalang king Anak e gagalang king Ibpa a mitubud keya.

Juan 6:14

Ngarang sinabi inyang ikit da ring tau ing milagrung depat na, Tune pin ya ing Propeta a datang keti king yatu!

Juan 6:2

Tikian de ring dakal a tau uling ikit da la ring milagrung depat na king pamanulu karing masakit.

Juan 6:26

Nganang mekibat, Ing katutuan sasabian ku kekayu: panintunan yu ku e uling ikit yu la ding depat kung milagru, nune uling mengan kayu at kinabsi karing tinape.

Juan 6:30

Ngara kang Jesus, Nanu ing milagrung arapat mu ban akit mi at maniwala kami keka? Nanu ing kekang daptan?

Juan 7:31

Makanyan man dakal la karing tau ding meniwala kang Jesus at ngarang sinabi, Potang datang ne ing Cristo, gawa ya kayang dakal pang milagru kesa karing gewa na ning taung iti?

Juan 9:16

Ngara ding mapilan a Pariseo, E ya king Dios ing taung ita uling e ya tutupad king Aldo ning Sabbath. Oneng sinabi da ring mapilan, Makananu yang makarapat ing taung makasalanan karing anti kareting milagru? Milaban-laban ing sasabian da.

2 Corinto 3:18

At ngening milako ne ing takap karing lupa tamu, itamung sabla maging aslag na katamu ning ligaya na ning Ginu. At lalu tamung miwawangis king ligaya na king kapamilatan na ning Ginu, ing Ginu ya ing Espiritu.

2 Corinto 4:17

Uling iting ditak at sagasaguling kasakitan a daralanan mi mamungang kaligayan a alang kapupusan at alang kalupa.

2 Corinto 4:6

Uling ing Dios a sinabing Busal ning karalumduman, sunlag ya ing sulu, ya mu rin ing Dios a babie aslag king kekatamung pusu ban makilala ing ligaya na ning Dios a mihayag king lupa nang Cristo.

Deuteronomio 5:24

Ngara kanaku, Pepakit na kekatamu ning Ginung kekatamung Dios ing kayupayan na at ligaya inyang dimdam ta yang migsalita libutad ning api. Ikit tamu ngening aldong iti ing pamakipagsalita na ning Dios kekatamu, oneng e tamu mete.

1 Juan 5:13

Susulat ku iti ban ikayung maniwala king lagyu na ning Anak ning Dios abalu yu king atin kayung bie alang angga.