Juan 2:10 - Ing Mayap a Balita Biblia

¹⁰ at sinabi na keya, Kaugalian ing iyapag mumuna ing maniaman a alak at nung dakal na la ainum ding bisita kanita pa iyapag ing alak a maina. Oneng ika tauli mung lege ing maniaman a alak!

Juan 2:10 Iomraidhean Croise

Genesis 43:34

Inapagan da lang pamangan ibat king lamesa nang Jose, oneng ing yapag da karela kalimang dake na mu ning yapag da kang Benjamin. Masaya lang mengan at minum.

Ding Dalit 104:15

at alak a makaibie tula king pusu na; laru ban lupa na saya ya, at tinape a munie sikanan.

Ing Malagung Diling Kanta 5:1

Linub ku king kakung mulahan, ing kakung kakaburi at kakung ketanguanan. Mangua kung mira at aliwa pang mabanglung tanaman; mangan kung pulut at pulut ding panilan; inuman ku ing alak at ing gatas. Mangan kayu, O malsinta, at minum angga king lasing kayu!

Mateo 24:49

kaybat maging mabagsik ya karing kalupa nang ipus at makipangan ya at makipaninum karing lasenggu,

Lucas 12:45

Nung ing ipus a ita sabian na king sarili na, E ya agad datang ing kanakung panginuan, at pagumpisan na na lang panasakitan ding aliwang ipus a lalaki at babai at mangan ya at minum at maglasing.

Lucas 16:25

Oneng nganang Abraham, Anak ko, ganakan mu king kanitang atyu ka king yatu migpakasawa ka king mangayap a bage at mibata yang kasakitan i Lazaro. Oneng ngeni mipaligayan ya keni kabang ika naman magdusa ka.

Ding Dapat 2:15

E la malasing ding taung deni, antimo ing isipan yu karela; alas nuebe na pa mu ning abak, tutu pang maranun.

1 Corinto 11:21

uling ing metung at metung kakanan na ing sariling darala na. Inya deng mapilan daranup la at ding mapilan lalasing la.

Efeso 5:18

E kayu maglasing uling makasira mu iti kekayu, nune pakikuanan yung mikatmuan kayu king Banal a Espiritu.

1 Tesalonica 5:7

Uling neng bengi karin la matudtud ding tau at neng bengi la naman maglasing.

Kapahayagan 17:2

Mekipangalugud la keting babai ding ari na ning yatu, at melasing la ring sablang tau keti king yatu king alak ning pamakipangalugud na.

Kapahayagan 17:6

At ikit keng melasing iting babai king daya da ring pinili na ning Dios at king daya da ring martir; ding pete ra uli na ning katapatan da kang Jesus. Mengapamulala ku inyang ikit ke.