Juan 2:1 - Ing Mayap a Balita Biblia

¹ King katlung aldo mika kasalan king Cana, Galilea. Atyu karin ing ima nang Jesus.

Juan 2:1 Iomraidhean Croise

Ding Kasebian 18:22

Nung mekapakiasawa ka king babaing tapat, ing kekang meging kapalaran mayap. Iti regalu king Ginu ibat.

Ding Kasebian 19:14

Malyari yang mika manang pibalebale at pibandian ing tau karing pengari na, oneng bukud mung ing Ginu ya ing makaibie mayap a asawa king tau.

Mateo 12:46

Kabang magsalita ya pa i Jesus karing dakal a tau, dinatang ya i ima na at ding kapatad na. Manenaya la king lual; buri deng akasabi. [

Juan 1:29

Kabukasan, ikit neng Juan i Jesus at lalapit ya keya. Nganang Juan, Oyan ing Kordero ning Dios a milalako king kasalanan ning yatu!

Juan 1:35

Kabukasan, atyu ne naman karin i Juan; kayabe na la ding adua karing alagad na.

Juan 1:43

Kabukasan, birian nang Jesus ing munta ya Galilea. Atagpuan ne karin i Felipe at nganang Jesus, Tuki ka kanaku! (

Juan 2:11

Iti milyari karin Cana, Galilea; iti ya ing mumunang milagru a depat nang Jesus. Karin na pepakit ing kayupayan na at iti meging dalan ne ning pamaniwala ra keya ding alagad na.

Juan 21:2

Miyabe-abe la di Simon Pedro, Tomas (ing mayayaus Kambal), Nathanael a tau Cana, Galilea, ding anak nang Zebedeo, at ding adua pa karing alagad nang Jesus.

Juan 4:46

Mibalik yang pasibayu king Cana, Galilea, nung nu na gewang alak ing danum. At karin Capernaum ating metung a opisyal na ning gobiernu; masakit ya ing anak nang lalaki.

Hebreo 13:4

Igalang da ring sabla ing bie talasawa at manatili la sanang tapat ding talasawa king metung at metung. Uling siguradu na lang parusan ning Dios ding e tapat at ding makipangatawan king e ra asawa.

Josue 19:28

Ebron, Rehob, Hamon, at Kana angga na Sidon.