Juan 19:9 - Ing Mayap a Balita Biblia

⁹ Linub yang pasibayu king palasyu at kitnan ne i Jesus, Nu ka tau? Oneng e ne pekibatan Jesus.

Juan 19:9 Iomraidhean Croise

Isaias 53:7

Pepasakitan deng ustu, oneng pibata na ngang mitmung katahimikan; e ya migsalita agyang metung mu mang amanu. Mengari ya king biserung tupa a malapit nang katatan; mengari yang tupang malapit nang ururan, e ya migsalitang nanuman.

Mateo 26:63

Oneng e ya bubulad i Jesus. Nganang pasibayung migsalita ning Pekapun ding Pari, Yuyutus ku keka: King lagyu na ning Dios a mabie, sabian mu kekami nung ika ing Cristo, ing Anak ning Dios.

Mateo 27:27

Linub de ring sundalus nang Pilato i Jesus king palasyu na ning Gobernador at migpadurut ya keya ing mabilug a grupu da ring sundalus.

Lucas 23:9

Inya pengutnan na neng pengutnan, oneng e ya bitasang mekibat i Jesus.

Juan 18:28

Ibat king bale nang Caifas dela re i Jesus king palasyu na ning gobernador. Abak a maranun kanita. E la linub ding Judio king palasyu na ning gobernador ban e la midinatan, uling pagnasan dang makapangan la king apunan na ning Pamaglagpus.

Juan 18:33

Pasibayu yang linub king palasyu i Pilato at inaus ne i Jesus. Nganang kinutang kang Jesus, Ika ing Ari da ring Judio?

Juan 18:34

Mekibat ya i Jesus, Ibat keka yan o ating aliwang sinabi keka tungkul kanaku?

Juan 18:37

Nganang Pilato, Ing buri mung sabian, metung ka ping ari? Mekibat ya i Jesus, Ika ing sasabing ari ku. Iti ya ing sangkan nung inya mibait ku at dinatang keti king yatu ban munie patutu king katutuan. Makiramdam ya kanaku ing ninumang atyu king katutuan.

Juan 19:10

Nganang Pilato, E ka bisang maniabi kanaku? E mu wari balu king atin kung upayang ipabulus da ka at upayang ipapaku da ka king krus?

Juan 19:8

Lalu yang mitakutan i Pilato inyang dimdam na la deting amanu.

Juan 8:14

Pekibat nang Jesus, Agyang aku ing patutu tungkul king sarili ku ing pamipatutu ku katutuan uling balu ku nung nu ku menibat at nung nu ku munta. Oneng e yu balu nung nu ku menibat at nung nu ku munta.

Filipos 1:28

E kayu mitatakutan karing kekayung kalaban king isanu mang pakiarapan. Lalarawan na na ning karelang kapanialangsangan itang kabiguan a karelang kararasnan, oneng para kekayu kaligtasan naman. Iting sabla makayagpang king kapagnasan na ning Dios.

Ukum 13:6

Pintalan ne kanita ning babai ing asawa na at ngana, Detangan na ku ning metung a talasuyu ning Dios. Makatakut ya; lulupa yang anghel ning Dios. E ku ne man kitnan nung nu ya menibatan, at e na ne man sinabi kanaku ing lagyu na.