Juan 19:42 - Ing Mayap a Balita Biblia

⁴² Anti na ning aldo ne kanita ning Pamagsadia da ring Judio at uling malapit ne man iting kutkutan, karin de kitkut i Jesus.

Juan 19:42 Iomraidhean Croise

Ding Dalit 22:15

Anti yang gabun a malangi ing batal ku; mipapakat ya kening telabanua ining dila ku; halus mete ku inyang king alikabuk likuan mu ku.

Isaias 53:9

Dela re king kutkutan kayabe da ring makasalanan; kitkut deng kayabe ding taung ating pibandian, agyamang ala yang depatan a kasalanan, at e bitasang migsalitang kalaraman.

Mateo 12:40

Nung makananung i Jonas menatili yang atlung aldo at atlung bengi king atian na ning maragul a asan, makanyan ya namang manatiling atlung aldo ampon atlung bengi ing Anak ning Tau king lalam ning gabun.

Juan 19:14

Kanita aldo na ning Pamagsadia para king Pamaglagpus, at mag-a-alas dosi na ning kaugtuan aldo. Nganang Pilato karing Judio, Oyni ing kekayung Ari!

Juan 19:20

Dakal la karing Judio ding mekabasa keting kapabaluan uling ing lugal nung nu ya mipaku i Jesus malapit ya king siudad at misulat ya iti karing amanung Hebreo, Latin, at Griego.

Juan 19:31

Aldo ning Pamagsadia kanita. Ban e la manatili king krus ding bangke king Aldo ning Sabbath (ing Sabbath a ita pamagselebra yang e karaniwan), inawad da ring Judio kang Pilato king paklian da la puad ding mipaku king krus at ilako la karin ding bangke.

Juan 19:41

Ating mulahan king lugal nung nu re pinaku i Jesus at karin ating bayung kutkutan a e pa megamit.

Ding Dapat 13:29

Kaybat dang atuparan ing sablang sasabian da ring Kasulatan tungkul kang Jesus, kildas de king krus at binili re king metung a kutkutan.

1 Corinto 15:4

king mikutkut ya at sinubling mebie king katlung aldo; antimo ing mababasa king Kasulatan;

Colosas 2:12

Uling inyang mebinyag kayu, mikutkut kayung kayabe nang Cristo, at king pangabinyag yu mipasublian kayu namang mebie kayabe nang Cristo king kapamilatan na ning kasalpantayanan yu king upaya ning Dios a pepasubling mebie.