Juan 19:40 - Ing Mayap a Balita Biblia

⁴⁰ Kinua re ing bangke nang Jesus at kayabe ning pisamut a mira at aksibal binalut de king telang pamburul. Makayagpang iti king kaugalian da ring Judio king pamangutkut.

Juan 19:40 Iomraidhean Croise

Genesis 50:2

Kaybat inutus na karing doktor a talasuyu na ing balsamuan de i tata na. Memintu la reti.

2 Cronica 16:14

Kitkut de king Siudad nang David, ketang batung kutkutan a ya mismu ing pepagawa. Dininan deng dakal at miyayaliwang pabanglu ing bangke na, at ginawa lang maragul a dapug ding tau bilang pamagpaldas king kamatayan na.

Mateo 26:12

King pamitugtug na king pabanglu king kanakung katawan isasadia na na ku king kanakung pangakutkut.

Marcos 14:8

Depat na niting babai ing agyu na; e pa man kiskusan na na kung pabanglu ban isadia ne ing katawan ku para king pangakutkut ku.

Lucas 24:12

Oneng tinalakad ya i Pedro at milayi yang minta king kutkutan; dinuku ya at miglalawe. Ala yang aliwang ikit nung e mu ing ulas a linen. Kaybat minuli ya bale; isip-isipan na nung nanu kaya ing milyari.]

Juan 11:44

Linual ya ing mete; makabalut la ding gamat at bitis na king telang pamburul at makabalut yang imalan ing lupa na. Nganang Jesus karela, Kalagan ye at paburen yeng lumakad.

Juan 12:7

Oneng nganang Jesus, E ye pakialaman! Paburen yeng daptan na iti para king aldo na ning kanakung pangakutkut.

Ding Dapat 5:6

Dinatang la ding kayanakan a lalaki; binalut de ing bangke na at saka re liwal ban ikutkut.