Juan 19:4 - Ing Mayap a Balita Biblia

⁴ Linual yang pasibayu i Pilato at sinabi na karing tau, Iyarap ke kekayu ban abalu yu king e ku manakit nanumang kasalanan keya.

Juan 19:4 Iomraidhean Croise

Mateo 27:19

Kabang makalukluk ya pa i Pilato king husgadu, atin yang pepasabi keya ing asawa na. Ngana, E ka makialam king taung yan a alang kasalanan, uling meligalig kung e mu nanu king paninap ku nabengi tungkul keya.

Mateo 27:24

Inyang ikit nang Pilato king ala neng akarapat at pota mika kaguluan pa, pepakua yang danum at inos na la ding gamat na king arapan da ring sablang tau at ngana, Ala kung pakibatan king kamatayan na ning taung ini! Ikayung bala kanyan!

Mateo 27:4

Nganang sinabi, Mikasala ku king taung alang kasalanan! Ngarang mekibat, Nanung pakialam mi kanita? Problema mu nang sarili yan!

Mateo 27:54

Inyang ikit nang minayun ning kapitan ampon ding sundalus a kayabe nang magbante kang Jesus at ikit da ing sablang mepalyari, mitakutan la at ngarang sinabi, Tutu pin ing Anak ne ning Dios!

Lucas 23:4

Nganang sinabing Pilato karing pamuntuk da ring pari at karing tau, Ala kung akakit a pamikasala na niting tau.

Lucas 23:41

Matulid para kekata ing magdusang anti kaniti uli na ning depat tang marawak; oneng ya ala yang bitasang depat a marawak.

Lucas 23:47

Inyang ikit ning kapitan da ring sundalus ing milyari, pinuri ne ing Dios. Ngana, Tune ya ping alang kasalanan iting tau!

Juan 18:33

Pasibayu yang linub king palasyu i Pilato at inaus ne i Jesus. Nganang kinutang kang Jesus, Ika ing Ari da ring Judio?

Juan 18:38

Nganang kinutang Pilato, Nanu ing katutuan? Kaybat nang asabi iti, pasibayu na lang liwalan Pilato ding Judio. Ngana karela, Ala kung ikit a kasalanan na.

Juan 19:6

Panakit da kang Jesus ding pamuntuk da ring pari at ding guardia, sinabi rang masikan, Ipaku me king krus! Ipaku me king krus! Nganang Pilato karela, Kuanan ye at ikayung mipaku king krus uling ala kung akakit a kasalanan na.

2 Corinto 5:21

E ya mikasala i Cristo, oneng alang-alang king kekatamung ikakayap, tinuring neng makasalanan ning Dios ban kayabe na maging banal tamu arap ning Dios king kapamilatan na.

Hebreo 7:26

Uli na niti, matulid ing mika Pekapun tamung Pari a munie king kekatamung kailangan. Uling banal ya i Jesus; ala yang kamalian o kasalanan; mikawani ya karing taung makasalanan at mitas yang matas pa king banua.

1 Pedro 1:19

Meging malaya kayu king alang kalupang ulaga na ning sakripisyu nang Cristo a mengaring metung a biserung tupang alang dipektu o nanumang kapintasan.

1 Pedro 2:22

E ya dinapat nanumang pamikasala; alang metung mang kalaraman a meramdam karing labi na.

1 Pedro 3:18

Uling i Cristo mismu mete ya para karing kekayung kasalanan, misan mu at para king kapilan pa man, ing taung banal para karing taung makasalanan, ban kanita akua na katamung ilapit king Dios. Pete re ing katawan na, oneng sinubli yang mebie bilang espiritual,

1 Juan 3:5

Balu yu king dinatang ya i Cristo ban ilako na ing kekatamung kasalanan at king ya ala yang kasalanan.