Juan 19:39 - Ing Mayap a Balita Biblia

³⁹ Tinuki ya keya i Nicodemo; magdala yang pisamut a mira at aksibal at titimbang maygit apat apulung kilu. (I Nicodemo ya itang mekikit misan a bengi kang Jesus.)

Juan 19:39 Iomraidhean Croise

Genesis 50:2

Kaybat inutus na karing doktor a talasuyu na ing balsamuan de i tata na. Memintu la reti.

2 Cronica 16:14

Kitkut de king Siudad nang David, ketang batung kutkutan a ya mismu ing pepagawa. Dininan deng dakal at miyayaliwang pabanglu ing bangke na, at ginawa lang maragul a dapug ding tau bilang pamagpaldas king kamatayan na.

Ding Dalit 45:8

Ing susulud mung imalan mabanglu ya king aloe at mira. King palasyu mu king garing pelamutian karin da ka panigtigan.

Ding Kasebian 7:17

Pepabangluan keng mira, aloe, at kanela.

Ing Malagung Diling Kanta 1:13

Mabanglu yang anting mira ing kakung pakamalan, inyang king kakung salu karin ya migkera.

Ing Malagung Diling Kanta 4:14

at antimu rin ding saffron, kalamo, kanela, at ding tanaman a piakuanan insenso, mira, aloe a maulagang pabanglu.

Ing Malagung Diling Kanta 4:6

King salu mung mabanglu karin ku magkanlung angga king tumiup ing marimlang angin ning kayabakan, at mawala nang lubusan ing sablang karalumduman.

Mateo 12:20

E ne paklian ing timbung mebalbal na; e ne patdan ing sulung undap-undap na. E ya patugut anggang e na apapagtagumpen ing hustisia;

Mateo 19:30

Oneng dakal la ding ngeni mumuna a maging tauli, at dakal la ding ngeni tauli a maging mumuna.

Mateo 2:11

Kalub da king bale, disnan de ing anak king siping nang Mariang ima na; siniklaud la king arapan na at simban de. Kaybat biklat da la ring regalung darala da, at dininan deng gintu, insenso, at mira.

Marcos 16:1

Kalabas na ning Aldo ning Sabbath, sinali lang pabanglu di Maria Magdalena, Mariang ima nang Santiago, at Salome ban ikuskus da king bangke nang Jesus.

Juan 12:3

I Maria naman kinangwa yang kapitnang litrung mal a pabanglung purung nardo. Kiskusan ne bitis i Jesus at pinulis na la deti king buak na. Sinalingalngal ing banglu king kabilugan a bale.

Juan 12:7

Oneng nganang Jesus, E ye pakialaman! Paburen yeng daptan na iti para king aldo na ning kanakung pangakutkut.