Juan 19:2 - Ing Mayap a Balita Biblia

² Ginawa lang koronang suksuk ding sundalus at pinutung de king buntuk nang Jesus. At pepasuluran deng imalan a kule ubi.

Juan 19:2 Iomraidhean Croise

Ding Dalit 22:6

Balamu e na ku tau nune anti kung ulad a tatabi da, at pikakasaman ding memalen!

Isaias 49:7

Ketang alang kalupa king pamaglibak, at pikakasaman ding sablang bansa, at talasuyu da ring pamuntuk; ing banal a Dios at talapagligtas ning Israel sasabian na, Akit da kang malaya ding ari, at talakad la ban ipakit da ing pamangalang da; akit da naman iti ding prinsipi at duku la ban galangan da ka. Iti mapalyari uling ing Ginu ya ing memili king talasuyu na; ing banal a Dios ning Israel tutuparan na lang pangaku na.

Isaias 53:3

Lepastangan de ring tau at tinggian; pibata na ing kaplas at ing kasakitan. Ala mang bisang lumawe king keyang kabilian; e ta ya pinsingan, anti yang alang kabaldugan.

Lucas 23:11

Ininsultu ne at pisunu-sunung Herodes at ding sundalus na. Pepasuluran deng mal a imalan at binalik de kang Pilato.

Juan 19:5

At linual ya i Jesus a ating koronang suksuk at makaimalan yang kule ubi. Sinabi nang Pilato karela, Oyni ing tau!