Juan 19:19 - Ing Mayap a Balita Biblia

¹⁹ Sinulat neng Pilato ing metung a kapabaluan at pepabili ne king krus. Iti ya ing makasulat: I Jesus ning Nazaret, ing Ari da ring Judio.

Juan 19:19 Iomraidhean Croise

Mateo 2:23

Karin na la tiknang ding mi-ima, king metung a balen a mayayaus Nazaret. King anti kanitang paralan karin metupad ing amanung mesabi king kapamilatan da ring propeta. Meyaus yang Nazareno.

Mateo 27:37

Mibili lang kasulatan king kabuntukan na tungkul king sumbung da laban keya. Ya ini: Iti ya i Jesus, ing Ari da ring Judio.

Marcos 15:26

Ngana ning misulat a dalum laban kang Jesus: Ing Ari da ring Judio.

Lucas 18:37

Ngarang mekibat, Daralan ya i Jesus ning Nazaret.

Lucas 23:38

Deting amanu makasulat la king kabuntukan na: Iti ya ing Ari da ring Judio!

Juan 1:49

Nganang Nathanael, Maestro, ika ing Anak ning Dios! Ika ing Ari ning Israel!

Juan 18:33

Pasibayu yang linub king palasyu i Pilato at inaus ne i Jesus. Nganang kinutang kang Jesus, Ika ing Ari da ring Judio?

Juan 19:12

Inyang dimdam nang Pilato iti, pigkapilitan neng ipabulus i Jesus. Oneng ngarang kinulisak ding Judio, Nung ibulus me ing taung yan, e na ka kakaluguran ning Emperador! Ing ninumang gagawang ari king sarili na, kalaban ne ning Emperador!

Juan 19:14

Kanita aldo na ning Pamagsadia para king Pamaglagpus, at mag-a-alas dosi na ning kaugtuan aldo. Nganang Pilato karing Judio, Oyni ing kekayung Ari!

Juan 19:21

Inya sinabi da ring pamuntuk da ring pari kang Pilato, Ing isulat mu e Ing Ari da ring Judio. nune, Sinabi na ning taung iti, Aku ing Ari da ring Judio.

Juan 19:3

Lepitan de at ngara, Luid ya ing Ari da ring Judio! At kaybat penampaling de.

Ding Dapat 26:9

Aku mismu kanitang misan inisip ku ing kailangan kung pigisanan ing agyu ku laban king lagyu nang Jesus ning Nazaret.

Ding Dapat 3:6

Oneng nganang migsalitang Pedro, Ala kung bitasang pera, oneng dinan da ka king atyu kanaku: king lagyu nang Jesu-Cristo ning Nazaret, lumakad ka!