Juan 19:17 - Ing Mayap a Balita Biblia

¹⁷ Linual yang mamusan king krus na papunta king lugal a mayayaus Lugal ning Bungu. (Golgota king salitang Hebreo.)

Juan 19:17 Iomraidhean Croise

Genesis 22:6

Kanita kinua nang Abraham ing dutung para king ain at pepapusan na kang Isaac at ya naman ing migdala king api at king pataram. Miglakad na la kanita ding mitata.

1 Ari 21:13

Dinatang la ring aduang taung malaram at linukluk la mingatba nang Nabot. Kaybat, king daramdaman da ring dakal a tau sinabi ra, I Nabot sinumpa ne ing Dios at ing ari! Inya kinua re ding tau i Nabot at dela re king lual ning siudad, at pemasibas deng batu angga king mete ya.

Levitico 24:14

Ilual ye king kampu ing lalaking ita. Ing balang metung karing mekaramdam king pamanagkas na laban kanaku, ing Ginu, itumpak da la ring gamat da king buntuk niting lalaki ban saksian da ing pamikasala na. Kaybat, paten ne ning mabilug a balen king kapamilatan na ning pamamasibas batu.

Mateo 10:38

Ninuman ing e mamusan king krus na at e tuki king kagulutan ku e ya karapatdapat kanaku.

Mateo 16:24

Kaybat na nita, sinabi nang Jesus karing alagad na, Nung ing ninuman bisa yang tuki kanaku, sukat nang kalinguan ing sarili na, pusanan ne ing krus na at tuki ya kanaku.

Mateo 27:37

Mibili lang kasulatan king kabuntukan na tungkul king sumbung da laban keya. Ya ini: Iti ya i Jesus, ing Ari da ring Judio.

Marcos 10:21

King mitmung lugud, linawe neng maratnang Jesus ing lalaki at ngana, Metung pang bage ing kulang keka. Muli ka, pisali mu ing sablang pibandian mu at ibie mu ing abli karing pakakalulu, at mika pibandian ka karin banua; kaybat tuki ka kanaku.

Marcos 15:26

Ngana ning misulat a dalum laban kang Jesus: Ing Ari da ring Judio.

Marcos 15:32

Paburen yeng kuldas ngeni king krus ing Cristo, ing Ari ning Israel! Nung akit mi yang kuldas, maniwala kami. Insultuan dia naman ding tulisan a makapakung mingatba keya.

Marcos 8:34

Pepalapitan na lang Jesus ding dakal a tau at ding alagad na. Ngana karela, Nung bisa yang tuki kanaku ing ninuman, payalian na ing sarili na, pusanan ne ing krus na, at tuki ya kanaku.

Lucas 14:27

E ya malyaring maging alagad ku ing ninumang e bisang mamusan king krus na at tuki kanaku.

Lucas 23:26

Inyang dela ra ne i Jesus ban ipaku king krus, akasalubung de ing metung a lalaking ibat king baryu. Ing lagyu na Simon; tau ya Cirene. Pinigil de at pepapusan ing krus kang Simon kagulutan nang Jesus.

Lucas 23:33

Inyang miras la king lugal a mayayaus Bungu, pinaku re i Jesus king krus. Pinaku da la naman ding aduang kriminal, ing metung king banda nang wanan at ing metung king banda nang kayli.

Lucas 23:38

Deting amanu makasulat la king kabuntukan na: Iti ya ing Ari da ring Judio!

Lucas 9:23

At sinabi na naman karela ngan, Nung ing ninuman bisa yang tuki kanaku, kalinguan na ing sarili na, pusanan ne ing krus na aldo-aldo, at tuki ya kanaku.

Juan 19:13

Panamdam nang Pilato kaniti, liwal ne i Jesus. At linukluk ya king piukuman, king lugal a mayayaus Dalan a Batu. (Gabbatha king salitang Hebreo.)

Juan 5:2

Karin lele na ning Pasbul ding Tupa, ating sibul a king salitang Hebreo mayayaus yang Betsata. Atin yang limang balkon.

Ding Dapat 7:58

keladkad de lual na ning siudad at pemasibas deng batu. Likas da ing imalan da ring testigung menganiaya keya, at pepabante ra king metung a kayanakan a milagyuan Saulo.