Juan 19:15 - Ing Mayap a Balita Biblia

¹⁵ Oneng kilisak da, Paten ya! Paten ya! Ipaku ya king krus! Nganang kinutang Pilato karela, Ipapaku ke king krus ing kekayung Ari? Mekibat la ding pamuntuk da ring pari, Ala keng ari nung e mu ing Emperador!

Juan 19:15 Iomraidhean Croise

Genesis 49:10

E ya mako misan man ing setro kang Juda ni ing simbulu ning kayupayan na. Angga king datang ya itang talan king setro mu a sukat dang pamintuan ding tau.

Mateo 22:17

Sabian yu na kekami nung nanu ing pamalak yo? Labag king Kautusan tamu ing mamayad buis king Emperador ning Roma o ali?

Lucas 23:18

Oneng kilisak dang agnan-agnan ding dakal a tau, Paten ya ing taung yan! Ibulus ya i Barabas! (

Juan 18:31

Nganang Pilato karela, Kuanan ye at atulan agpang king Kautusan yu. Ngara ding Judio, Makabawal kekami ing papate mi ya ing ninuman. (

Juan 19:6

Panakit da kang Jesus ding pamuntuk da ring pari at ding guardia, sinabi rang masikan, Ipaku me king krus! Ipaku me king krus! Nganang Pilato karela, Kuanan ye at ikayung mipaku king krus uling ala kung akakit a kasalanan na.

Ding Dapat 13:28

Agyamang e la menakit nanumang matulid para isaldak da kang Jesus ing atul a kamatayan, inawad da kang Pilato ing ipapate ne.

Ding Dapat 21:36

Tatagal la ngan kang Pablo at ngarang kukulisak, Paten ye!

Ding Dapat 22:22

Mekiramdam la kang Pablo ding tau angga king penandit a asabi na iti; oneng kaybat megumpisa na la namang kinulisak anggang binit. Ngara, Iligpit ye! Paten ye! E ya sukat paburen mabie!