Juan 19:14 - Ing Mayap a Balita Biblia

¹⁴ Kanita aldo na ning Pamagsadia para king Pamaglagpus, at mag-a-alas dosi na ning kaugtuan aldo. Nganang Pilato karing Judio, Oyni ing kekayung Ari!

Juan 19:14 Iomraidhean Croise

Mateo 27:45

Inyang ugtung aldo na meralumdum ya ing mabilug a bansa angga itang alas tres.

Mateo 27:62

Kabukasan, itang aldo ning Sabbath, mekikit la kang Pilato ding pamuntuk da ring pari at ding Pariseo

Marcos 15:25

Alas nuebe na ning abak inyang pinaku re king krus.

Marcos 15:42

Inyang mabibengi na dinatang ya i Jose a tau Arimatea. Metung yang gagalangan a miembru na ning Sanhedrin a manaya king paniatang na ning Kayarian ning Dios. Uling aldo na kanita ning Pamagsadia (ngana wari, aldo bayu ing Sabbath), migmasikan yang lub mekikit kang Pilato at pekisabi ne ing bangke nang Jesus.

Lucas 23:44

Inyang mag-a-alas dose na ning ugtu, meralumdum king mabilug a bansa angga king alas tres ning gatpanapun.

Lucas 23:54

Aldo Biernes kanita at malapit nang magumpisa ing Sabbath.

Juan 19:3

Lepitan de at ngara, Luid ya ing Ari da ring Judio! At kaybat penampaling de.

Juan 19:42

Anti na ning aldo ne kanita ning Pamagsadia da ring Judio at uling malapit ne man iting kutkutan, karin de kitkut i Jesus.

Juan 19:5

At linual ya i Jesus a ating koronang suksuk at makaimalan yang kule ubi. Sinabi nang Pilato karela, Oyni ing tau!