Juan 19:11 - Ing Mayap a Balita Biblia

¹¹ Mekibat ya i Jesus, Atin kang upaya kanaku uling iti binie na keka ning Dios. Inya lalung mabayat ing kasalanan na nitang menganiaya kanaku keka.

Juan 19:11 Iomraidhean Croise

1 Cronica 29:11

Keka, O Ginu, ing dangalan, ing kayupayan, ing ligaya, ing tagumpe, at ing kamalan uling ing sablang atyu king banua at yatu keka ngan. Keka, O Ginu, ing pamag-ari; ika ing pekamatas at ari ning sabla.

Ding Dalit 39:9

E ku bubulad; asbuk ku e biklat, uling balu ku king iti kekang dapat.

Ding Dalit 62:11

E mu mekatadua ku ne dimdam ing Dios, agpang king sasabian na, bukud mung bandi na ing kayupayan

Ding Tagulele 3:37

Bukud mung ing keyang kaburian ya ing parating mipamintuan.

Daniel 4:17

Iti ya ing pikayari da ring anghel a magbante. Inya ngeni, paburen la ding tau nu man karin ing abalu ra king ing Kakataskatasan a Dios atin yang upaya karing kayarian da ring tau, at king malyari na lang aibie king ninumang pilinan na, agyang pang king musmus dili karing tau.

Daniel 4:25

Mitabi kayung marayu karing tau at manuknangan kayung kayabe da ring animal. Kilub ding pitung banua mangan kayung dikut antimo ding baka, at matudtud king marangle nung nu dugpa kekayu ing ambun. Kanita kilalanan yu king ing Kakataskatasan a Dios ya ing maki upaya karing kayarian da ring tau, at ipamie na la king ninu pa mang pilinan na.

Daniel 4:32

Mitabi kang marayu karing tau at manuknangan kang kayabe da ring animal, at kilub ding pitung banua mangan kang dikut antimo ding baka. Kanita kilalanan mu king ing Kakataskatasan a Dios ya ing maki upaya karing kayarian da ring tau, at ipamie na la king ninu pa mang pilinan na.

Daniel 4:35

Lalawan na lang alang ulaga ding tau ning yatu; atyu la lalam ning upaya na ding anghel ning banua, at ding tau king yatu. Ala metung man ing makasalangsang king kaburian na o makapangutang king gagawan na.

Daniel 5:21

Mitabi ya king lipunan at meging anti ing pamisip ning metung a animal ing pamisip na. Menuknangan yang kayabe da ring malyap a asno; mengan yang dikut anti ding baka, at metudtud ya king marangle a alang nanumang panlaban king ambun. King katataulian, tinggap na king ing Kakataskatasan a Dios ya ing magmanehu karing heganaganang kayarian da ring tau, at ya ing babie king ninumang pilinan na.

Mateo 26:65

Panamdam na kaniti ning Pekapun ding Pari, ginabak na ing sarili nang imalan at ngana, Kalapastanganan iti king Dios! Ala ta nang kailangan a aliwa pang testigu! Ikayu mismu dimdam yu ing kalapastanganan a sinabi na!

Mateo 27:2

Pepagapus deng tanikala at dela re at inarap kang Pilato, ing Gobernador.

Mateo 6:13

At e mu ke paisaul king mabayat a kapagsubukan, nune ikabus mu kami king Marawak.

Marcos 14:44

Minie yang senias ing taksil karela: Itang uman ku ya ing kekayung kailangan. Dakpan ye at ituki, oneng banten yeng masalese.

Lucas 22:53

Tuturu ku aldo-aldo king Templo at atyu kayu naman karin; makanyan man e yu ku dekap. Oneng panaun yu ngeni at ing upaya na ning karalumduman ya ing matutupad.

Juan 18:13

Minuna reng dela kang Anas, ing katuangan nang Caifas a Pekapun ding Pari king banuang ita.

Juan 18:3

Minta ya karin i Judas; kayabe ne ing metung a grupu da ring sundalus at ding mapilan a guardia na ning Templo a peparala da ring pamuntuk ding pari at ding Pariseo. Magdala lang sulu, sulugi at sandata.

Juan 19:10

Nganang Pilato, E ka bisang maniabi kanaku? E mu wari balu king atin kung upayang ipabulus da ka at upayang ipapaku da ka king krus?

Juan 3:27

Mekibat ya i Juan, Alang taung makatanggap nanuman subali ketang babie ning Dios keya.

Juan 7:30

Uli na niti, buri deng dakpan; oneng alang dinakap keya uling e pa miras ing oras na.

Juan 9:41

Mekibat ya i Jesus, Nung bulag kayu ala kayu sanang kasalanan; oneng sasabian yu ngeni, Manakit kami, inya manatili kayung makasalanan.

Ding Dapat 2:23

Ing Dios, king sarili nang kaburian at kabiasnan, telaga na nang makapauna king miyabie ya i Jesus kekayu, at pete ye inyang peintulut yung ipaku de king krus ding e mayap a tau.

Ding Dapat 3:13

Ing Dios nang Abraham, Isaac, Jacob, at ing Dios ding kekatamung makatua ya ing pepaligaya king Talasuyu nang i Jesus. Oneng ikayu ing peparakap keya at kaybat tinggian ye king arapan nang Pilato, agyamang buri neng ipabulus Pilato.

Ding Dapat 4:28

Misanmetung lang dinapat king sablang bage a king upaya mu at kaburian malambat mu nang birian marapat.

Roma 11:36

Uling ya ing linalang king sabla-sabla at ing sabla atyu ngan ngeni king uli na at para keya. King Dios ing kapurian angga na king kapilan pa man! Amen.

Roma 13:1

Sukat yang mamintu ing metung at metung karing manimuna king balen, uling alang kayupayan a makalto nung e na paintulut ning Dios, at binili na la karin ning Dios ding atyu king katungkulan.

Santiago 1:17

Ing sablang mayap at ing sablang ganap a grasya manibat banua; daratang ibat king Ibpa, ing Linalang karing sala king banua, ing e mibabayu ni gugulut pasaring kadalumduman.

Santiago 4:17

Inya, mikakasala ya ing taung makibalu king mayap a sukat nang daptan, oneng e na daraptan. daraptan.