Juan 18:8 - Ing Mayap a Balita Biblia

⁸ Nganang Jesus, Sinabi ku na kekayu king aku ya. Paburen yu lang mako deng taung deni, nung aku ing kekayung panintunan. (

Juan 18:8 Iomraidhean Croise

Isaias 53:6

Mengari tamung tupang mebating; ing balang metung kekatamu minarap ya king sarili nang dalan. Oneng ing Ginu tilutan nang dugpa king keyang talasuyu ing kaparusan, itang parusang kekatamu mangaintuliran.

Mateo 26:56

Oneng iti sukat ngan malyari ban matupad itang sinulat da ring propeta karing Kasulatan. Kanita likuan de ring alagad na at tinakas la.

Juan 10:28

Dirinan ku lang bie alang angga at e la mipahamak kapilan man. Alang makasamsam kareti kanaku.

Juan 13:1

Bespera na kanita ning Piesta ning Pamaglagpus. Balu nang Jesus king dinatang na ing oras na ban mako ya keti king yatu at mibalik ne king Ibpa. Kaluguran na la ding bandi na a atyu king yatu at liguran na la angga king kawakasan.

Juan 13:36

Nganang kinutang Simon Pedro, Ginu, nu ka munta? Mekibat ya i Jesus, E ka makatuki ngeni kanaku ketang puntalan ku, oneng kaybat makatuki ka.

Juan 16:32

Daratang ing oras, at makaras na ing misalbag-salbag kayu; muli ya ing balang metung king sarili nang bale at lakuan yu kung magdili-dili. Oneng e ku tune magdili-dili uling kayabe ke ing Ibpa.

Juan 18:7

Kitnan na lang pasibayu, Ninu ing panintunan yu? Ngarang mekibat, I Jesus ning Nazaret.

Juan 18:9

Sinabi na iti ban matupad itang amanu na, Alang mabating metung man karing binie mu kanaku, Ibpa.)

1 Corinto 10:13

Ing balang kapagsubukan a daratang kekayu, ya naman ing karaniwan a daratang karing tau. Oneng tapat ya ing Ginu king pangaku na at e na kayu paburen masubuk king e yu agyung pibatan. King oras a masubuk kayu, dinan na kayung sikanan ban apibata yu, at gawa yang paralan ban adaig yu ing kapagsubukan.

2 Corinto 12:9

oneng iti ya ing pakibat na, Managyu ing grasya ku para keka; lalung mayakit ing upaya ku neng maina ka. Inya tutu kung pagmaragul ing kanakung keinan, ba na kung pasiknangan ning upaya nang Cristo.

Efeso 5:25

Ikayung lalaki, luguran ye ing sarili yung asawa, antimo ing lugud nang Cristo king iglesia. Inain na ing bie na para king iglesia

1 Pedro 5:7

Ibili yu ngan keya ing sablang kapigaganakan yu, uling atin yang malasakit kekayu.