Juan 18:4 - Ing Mayap a Balita Biblia

⁴ Balu nang Jesus ing sablang mapalyari, inya selubungan na la at kitnan, Ninu ing panintunan yu?

Juan 18:4 Iomraidhean Croise

1 Ari 18:10

Balu na ning Ginung kekang Dios, king karing bansa at kayarian mitutubud yang tau ing kakung ari ban panintunan da ka, at pasumpan na la ring mamuntukan ban patunayan king e ra ka pin ikit.

Nehemias 6:11

Sinabi ku, Kailangan waring mamulayi ya ing taung anti kanaku at salikut king Templo ban iligtas ne ing bie na? E ku daptan ing anti kanita.

Ding Dalit 27:3

Kubkuban da ku man ding dakal a kawal e ku mu rin mitakutan; sagupa la man kaku ding kalaban, ing Dios ya pa mu rin ing kakung panaligan.

Ding Dalit 3:6

Laksa-laksa la man ding kalaban a kaku makapadurut e ku la rin pitakutan.

Ding Kasebian 28:1

Agyang alang tatagal, ing taung dinapat kasalanan pupulayi ya, oneng matatag ya ing taung tapat uling leon ing kasing tapang na.

Mateo 16:21

Manibat na kanita pepakilala nang Jesus karing alagad na king kailangan yang munta Jerusalem at dumalan dakal a kasakitan king gamat da ring makatua na ning balen, ding pamuntuk da ring pari, at ding talaturu ning Kautusan, at ipapate re. Oneng king katlung aldo subli yang mie.

Mateo 26:2

Antimo ing balu yu, adua na mung aldo Piesta na na ning Pamaglagpus at mipanganiaya ya ing Anak ning Tau ban mipaku ya king krus.

Mateo 26:21

Nganang Jesus kabang mamapun la, Ing katutuan sasabian ku kekayu: pagtaksilan na ku ning metung kekayu.

Mateo 26:31

Kanita nganang Jesus karela, King mismung benging iti, ikayu ngan lakuan yu ku, antimo ing sasabian na ning Kasulatan, Ing Dios sasabian na: Paten ke ing pastul at mikalat-kalat la ding tupa.

Lucas 24:44

Kaybat ngana karela, Ing amanuan ku kanitang kayabe yu ku pa ya pin iti: kailangan ing matupad ing sablang misulat tungkul kanaku king Kautusan nang Moises, karing libru da ring propeta, at karing Dalit.

Juan 13:1

Bespera na kanita ning Piesta ning Pamaglagpus. Balu nang Jesus king dinatang na ing oras na ban mako ya keti king yatu at mibalik ne king Ibpa. Kaluguran na la ding bandi na a atyu king yatu at liguran na la angga king kawakasan.

Juan 13:11

Uling balu nang Jesus nung ninung magtaksil keya; inya sinabi na, E ikayu ngan malinis na kayu.)

Juan 18:5

Ngarang mekibat, I Jesus ning Nazaret. Sinabi na karela, Aku ya. Kayabe re i Judas, ing migtaksil kang Jesus.

Juan 18:7

Kitnan na lang pasibayu, Ninu ing panintunan yu? Ngarang mekibat, I Jesus ning Nazaret.

Juan 19:28

Kaybat na nita, balu nang Jesus king meganap na ing sablang bage at ban matupad ya ing kasulatan, sinabi na, Mau ku.

Juan 6:64

Oneng ating mapilan kekayu a e maniwala. (Uling manibat king kapupurmeruan balu nang Jesus nung ninu ding e maniwala at nung ninu ing magtaksil keya.)

Ding Dapat 2:28

Pepakilala mu la kaku ding dalan ning bie, at katmuan mu ku king tula uli ning atyu ka king siping ku.

1 Pedro 4:1

Ganakan yu nung nu anti ing kasakitan a delanan nang Cristo keti king yatu. Makanyan munaman, ikayu arian yung mitmung tetagan king lub yu ing mibata. Uling ninuman ing misasakitan a katawan ginulut ne king pamikasala.