Juan 18:3 - Ing Mayap a Balita Biblia

³ Minta ya karin i Judas; kayabe ne ing metung a grupu da ring sundalus at ding mapilan a guardia na ning Templo a peparala da ring pamuntuk ding pari at ding Pariseo. Magdala lang sulu, sulugi at sandata.

Juan 18:3 Iomraidhean Croise

Ding Dalit 22:12

Ding kalaban ku anti lang toro'ng makapadurut kaku, kalupa da la ring mabagsik nang toro ning Bashan.

Mateo 25:1

King panaun a ita, ing Kayarian ning Banua apakilupa me king anti kaniti: ating apulung dalagang linual ban sagana king lalaking kakasal. Atin yang daralang sulu ing balang metung karela.

Juan 13:2

Kasulu na lang Jesus ding alagad na king apunan. Alulan na na ning diablo king isip nang Judas Iscariote a anak nang Simon ing pamagtaksil kang Jesus.

Juan 18:12

Dekap de i Jesus at ginapus de ring guardiang Judio at ding sundalus a panimunan na ning kapitan da.

Juan 18:18

Marimla kanita, inya migdapug la ding ipus ampon ding guardia at migsalab la. Mekiabe ya i Pedro at migsalab ya naman.

Juan 18:22

Inyang asabi na iti, timpaling ne ning metung karing guardiang atyu karin. Nganang sinabi, Baket makanyan kang makibat king Pekapun ding Pari?

Juan 19:6

Panakit da kang Jesus ding pamuntuk da ring pari at ding guardia, sinabi rang masikan, Ipaku me king krus! Ipaku me king krus! Nganang Pilato karela, Kuanan ye at ikayung mipaku king krus uling ala kung akakit a kasalanan na.

Juan 7:32

Dimdam da ring Pariseo ing babalita da ring tau tungkul kang Jesus, at ding pamuntuk da ring pari, at ding Pariseo mitubud lang guardia ba reng dakpan.

Ding Dapat 1:16

Ngana, Kapatad, kailangan yang matupad ing kasulatan nung nukarin sinabi nang makapauna ning Banal a Espiritu king kapamilatan nang David, ing kasulatan tungkul kang Judas a menimuna karetang dinakap kang Jesus.

Ding Dapat 10:1

Karin Cesarea ating metung a taung milagyuan Cornelio. Kapitan ya king rehimiento ding sundalung Romano a meyaus Rehimiento Italiano.