Juan 18:11 - Ing Mayap a Balita Biblia

¹¹ Sinabi nang Jesus kang Pedro, Ikaluban me ing espada mu! E wari kailangan ing inuman ke ing kopa a painum na kanaku ning Ibpa?

Juan 18:11 Iomraidhean Croise

2 Samuel 16:10

Ngana ning ari, E me pakialaman. Ala katang parehung matulid nung inutus ning Ginu kang Simei ing panagkasan na ku.

Ding Dalit 75:8

Atin yang tatalnan a kopa ing Ginu, mitmu ya king alak ning mua na. Itugtug na iti ban ding taung e mayap inuman da; minum la angga king iti agisan da.

Ezekiel 23:31

Tikian mu la ding bakas na ning kekang kapatad, inya ipainum kia naman keka ing kopa na ning pamamarusang ininum na.

Mateo 20:22

E yu balu ing aduan yu, nganang mekibat Jesus karing aduang anak a lalaki. Apibata yu kaya ing kasakitan a malapit ku nang pibatan? Opu, apibata mi, ngarang mekibat.

Mateo 26:39

Sinulung ya pang bagya; migsakab ya king gabun at nganang menalangin, Ibpa ko, nung malyari, idayu me kanaku iting kopa! Oneng aliwa ing kaburian ku, nune ing keka ya ing matupad.

Mateo 26:42

King kaduang besis pasibayu na lang likuan Jesus at saka ya menalangin. Ngana, Ibpa ko, nung e ya malyaring mirayu iting kopa anggang e ke inuman, ing kaburian mu ya ing matupad.

Lucas 12:30

(Uling deting bage ila ding kayayalisuas dang panintunan ding paganu keti king yatu.) Balu na ning Ibpa yu king kailangan yu la deting bage.

Lucas 22:42

Ngana, Ibpa, nung malyari idayu me kaku iting kopa. Makanyan man aliwa ing kaburian ku, nune ing kaburian mu ya ing mipamintuan. [

Juan 15:10

Nung tuparan yu la ding utus ku, manatili kayu king lugud ku, antimo nung makananu kung tutupad karing utus nang Ibpa ku at manatili ku king lugud na.

Juan 17:24

Ibpa, buri ku king nung nu ku karin kayabe ku la ding binie mu kanaku ban akit da ing binie mung kaligayan kanaku, uling liguran mu na ku bayu ya melalang ing yatu.

Juan 18:36

Pekibat nang Jesus, E ya king yatu ing kanakung kayarian. Nung ing kayarian ku keti ya king yatu, makilaban la ding kanakung talasuyu ban e ku miyabie karing Judio. Oneng e ya king yatung iti ing kanakung kayarian!

Juan 20:17

Nganang Jesus kang Maria, E mu ku tatagkilan uling e ku pa pepaitas papunta king Ibpa. Munta ka karing kapatad ku at sabian mu karela king paitas na kung magbalik kang Ibpa ku at Ibpa yu, king Dios ku at king Dios yu.

2 Corinto 10:4

Darala da ring kekaming sandata ing upaya na ning Dios a makapanyira karing kuta at e na la sandata ning yatu. Sisiran mi ing maling pamagmatulid,

2 Corinto 6:7

king tapat a pamagsalita king katutuan, at king upaya na ning Dios. Ing katuliran ya ing kekaming armas a paglaban at paniagka.

Hebreo 12:2

E ta la lalako ding mata tamu kang Jesus uling keya megumpisa at migaganap ing kekatamung kasalpantayanan. E ya pepaisira lub i Jesus uli na ning krus! Nune, uli na ning tulang makapanaya keya pibata na ing kamarinayan a mate ya king krus. At ngeni atyu makalukluk king banda nang wanan ning tronu na ning Dios.