Juan 18:1 - Ing Mayap a Balita Biblia

¹ Kaybat na lang asabi deting bage, minta ya i Jesus at ding alagad na king kasumangid na ning Sapa ning Kidron. Ating mulahan karin at linub la.

Juan 18:1 Iomraidhean Croise

Genesis 2:15

Binili ne karin ning Ginung Dios ing tau at pepatuknangan ne king mula na ning Eden ban gambulan ne at ingatan.

Genesis 3:23

Inya tinabi ne ning Ginung Dios ing tau king Mula ning Eden ban tamnan ne ing gabun a penibatan na.

2 Samuel 15:23

Manangis ya ing mabilug a bansa kabang palako la ring taung tinuki kang Aring David. Lipatan ne ning ari at ding talatuki na ing Sapa ning Kidron, at tinaglus la king ilang.

1 Ari 15:13

Pati i apu nang i Maaca leko ne panga-reynang-ima na uling pepagawa ya iting makasumaming larawan para king diosang i Asera. Pepalasak ne iting larawan at kaybat pepasilab ne karin king batis ning Kidron.

1 Ari 2:37

Mate ka kabud meko ka at dinalakit king Batis ning Kidron. Ika na kanita ing makikasalanan king kamatayan mu.

2 Ari 23:12

Pepalasak na lang Aring Josias ding altar a atyu king babo ning palasyu. Pepagawa da la reti ding meging ari ning Juda babo ning kuartu nang Aring Ahaz. Pepalasak na la naman ding altar a atyu pilatan da ring aduang patyu ning Templo ning Ginu, at pepalaso na la at inugse ing pulbus da king Kapatagan ning Kidron. Ing pepagawa kareng altar ya i Aring Manase.

2 Ari 23:4

Kaybat, inutusan ne ning ari i Hilkia a matas dili katungkulan karing pari at ding paring kayaduangan na, at ding guardia king pasbul palub king Templo ning Ginu king ilual da la ngan ding bageng megamit king pamanyamba kang Baal, king diosang i Asera, at karing batuin. Pepasilab na la ngan ning ari king lual ning siudad lele ning Kapatagan ning Kidron, at kaybat peparala na king Betel ing abu.

2 Ari 23:6

Leko ne king Templo ning Ginu ing larawan na ning diosang i Asera; dela ne iti king siudad ning Kapatagan ning Kidron; silaban ne at linaso neng mapinung-mapinung anting alikabuk, at kaybat sinabug na karing kutkutan da ring taung karaniwan.

2 Cronica 15:16

Leko neng Aring Asa i apu nang i Maaca bilang reynang indu, uling ginawa yang makasumaming idolo na ning diosang i Asera. Digsa neng Asa iting idolo; penadtad neng mangalati at silaban king Kapatagan ning Kidron.

2 Cronica 29:16

Linub la naman king kakilubkiluban ban linisan, at linual da king patyu ning Templo ning Ginu ing sablang bage marinat karin. Kinua da ring Levita ing dinat at dela ra king Kapatagan ning Kidron.

2 Cronica 30:14

Leko da la ring altar king Jerusalem a megamit king pamiyain ain-sakripisyu at insenso, at inugse da la king Kapatagan ning Kidron.

Nehemias 2:15

Inya king kapitangan ning bengi minta ku king Kapatagan ning Kidron at siniasat ke ing pader, at mibalik ku ketang delanan ku king Pasbul dalan ning Kapatagan.

Jeremias 31:40

Ing kabilugan a kapatagan nung nu ra la kukutkut ding mete at iyugse ing basura at ding sablang marangle babo ning Sapa ning Kidron at angga na king Pasbul dalan ding Kabayu dane aslagan, maging banal lang lugal para kanaku. E ne kapilan man pasibayung mabagut o malasak ing siudad.

Levitico 2:6

Piraswan lang mangalati deti at tugtugan lang laru potang iyain la bilang ain kanaku, ing Ginu.

Mateo 26:30

Selisi deng kinta ing metung a kanta, at kaybat linual lang papunta king Bunduk ding Olibo.

Mateo 26:36

Kaybat na nita, tiki na lang Jesus ding alagad na king metung a lugal a mayayaus Getsemani. Sinabi na karela, Lukluk kayu pa ken saguli; munta ku banda keta ban manalangin.

Marcos 14:26

At kaybat deng kinta ing metung a kanta, minta la king Bunduk ding Olibo.

Marcos 14:32

Miras la king lugal a ausan dang Getsemani. Nganang Jesus karing alagad na, Lukluk kayu pa ken kabang manalangin ku.

Marcos 14:42

Mibangun na kayu at tara na. Oyni na ing magtaksil kanaku!

Juan 14:31

oneng daratang ya ban akilala na ning yatu king kaluguran ke ing Ibpa at king daraptan ku ing yuyutus na kanaku. Talakad na kayu, tara na.

Juan 18:26

Kitnan na ne naman ning metung karing ipus ning Pekapun ding Pari, kamaganak ne nitang tinigpas na balugbug Pedro, Aliwa wari ika ing ikit kung kayabe na king mulahan?

Ding Dapat 21:11

Ikami ing saria na. Karas na, kelag ne ing sinturun nang Pablo, at saka ne penali karing sarili nang gamat ampon bitis at ngana, Oyni ing sasabian na ning Banal a Espiritu: Ing makabandi kaniting sinturun igapus deng makanyan ding Judio king Jerusalem, at iyintriga re karing paganu.