Juan 17:6 - Ing Mayap a Balita Biblia

⁶ Pepakilala da ka karing taung binie mu kanaku ibat king yatung iti. Keka la, binie mu la kanaku, at tiparan da ing amanu mu.

Juan 17:6 Iomraidhean Croise

Ding Dalit 119:11

King kakung pusu karin ku la selikut ding kekang kautusan ban keka e ku mikasala.

Ding Dalit 22:22

Sabian ke ing lagyu mu karing kapatad ku, at ika ing kakung purian king karelang kapulungan.

Exodo 9:16

Oneng pekikuanan kung e ka mate ban apakit ku keka ing upaya ku at mikalat king mabilug a yatu ing kabantugan ku.

Ding Kasebian 2:10

Maging biasa ka at tumula uli na ning kekang beluan.

Ding Kasebian 23:23

Ing katutuan, kabiasnan, pegaralan, at mayap a ugali mayap lang pigastusan, oneng tutu lang mal, inya e mo paburen.

Juan 1:18

Ala pang menakit king Dios; oneng mipakilala ya ing Dios karing tau king kapamilatan na ning bugtung nang Anak; ing Anak a kayabe ning Ibpa king panga-Dios at kaluguran nang tutu.

Juan 12:28

Ibpa, parangalan me ing lagyu mu. Kanita ing metung a siwalang ibat banua sinabi na, Peparangalan ku ne at parangalan ke pang pasibayu.

Juan 15:19

Nung para king yatu kayu, luguran na kayu ning yatu anting keya. Oneng e kayu para king yatu, nune pinili da kayung ibat king yatu, inya kasaman na kayu ning yatu.

Juan 15:3

Malinis na kayu ngeni uli na ning amanung sinabi ku kekayu.

Juan 15:7

Nung manatili kayu kanaku at ding amanu ku manatili la kekayu, aduan yu itang nanumang buri yu at miyabie kekayu.

Juan 17:12

Kabang kayabe da ku iningat ku la king kapamilatan na ning upaya ning lagyu mu, ing lagyung binie mu kanaku. Iningat ku la at metung man karela alang mebating, subali mu king metung a kusang lub a migpakabating ban matupad ya ing kasulatan.

Juan 17:14

Binie ku karela ing amanu mu at pikasaman na la ning yatu uling e la para king yatu antimo aku e ku para king yatu.

Juan 17:16

Nung makananung aku e ku para king yatu, makanyan la namang e para king yatu.

Juan 17:2

Uling dininan meng upayang sumakup karing sablang tau ban munie bie alang angga karing sablang binie mu keya.

Juan 17:24

Ibpa, buri ku king nung nu ku karin kayabe ku la ding binie mu kanaku ban akit da ing binie mung kaligayan kanaku, uling liguran mu na ku bayu ya melalang ing yatu.

Juan 17:26

Pepakilala da ka karela at ipakilala da ka pa ban ing lugud mu kanaku miyabie karela, at aku manatili ku karela.

Juan 17:7

Ngeni balu da king ing sablang binie mu kanaku ibat keka,

Juan 18:9

Sinabi na iti ban matupad itang amanu na, Alang mabating metung man karing binie mu kanaku, Ibpa.)

Juan 6:37

Lumapit la kanaku ding sablang babie na ning Ibpa kanaku at e ke tanggian ing ninumang lumapit kanaku,

Juan 6:39

Iti ya ing kaburian na nitang mitubud kanaku: king e ku kabatingan agyang metung mu karing sablang binie na kanaku, nune pasublian ku la ngan mie king tauling aldo.

Juan 8:51

Ing katutuan sasabian ku kekayu: ing tutupad king tuturu ku e na takman kapilan man ing kamatayan.

Juan 8:52

Ngara ding Judio, Ngeni, siguradu na kami king alipnan na ka pin ning demonyu! Mete ya i Abraham, antimu rin ding propeta; makanyan man sasabian mu, Ing tutupad king tuturu ku e na takman kapilan man ing kamatayan.

Ding Dapat 13:48

Inyang dimdam da iti ding paganu metula la at pepasalamat la king Ginu uli na ning amanu na, at meging talasalpantaya la ding sablang mepili para king bie alang angga.

Roma 11:2

E ne tinggian ning Dios ing balen na, ing balen a pinili na ibat pa king kamumulan. Balu yu nung nanu ing sasabian na ning kasulatan tungkul king pamakisabi nang mayap ning propeta Elias king Dios laban king Israel.

2 Corinto 4:6

Uling ing Dios a sinabing Busal ning karalumduman, sunlag ya ing sulu, ya mu rin ing Dios a babie aslag king kekatamung pusu ban makilala ing ligaya na ning Dios a mihayag king lupa nang Cristo.

Colosas 3:16

Labis-labis sanang manatili karing pusu yu ing amanu nang Cristo. Mituturuanan kayu at mipapamie payu king mitmung kabiasnan. Kayabe na ning kapasalamatan a makasale karing pusu yu, pagkanta ye ing Dios karing salmo at himno ampon banal a kanta.

2 Timoteo 1:13

Gawan mu lang pialimbawanan ding mayap a amanung tiru ku keka. Manatili ka king kasalpantayanan at lugud a atyu kekatamu king uli na ning pangayabe tamu kang Cristo Jesus.

Hebreo 2:12

Ngana, Isalita ke ing lagyu mu karing kakung kapatad, magkanta kung kapurian keka king libutad da ring sablang taung makatipun.

Hebreo 3:6

Oneng tapat ya i Cristo bilang Anak a mamuntukan king mabilug nang pamilya ning Dios. Itamu ing pamilya na, nung manatili tamung matibe lub at maragul a tiwala king kekatamung kapanayan.

1 Pedro 1:1

Ibat ya iting sulat kang Pedro, ing apostol nang Jesu-Cristo. Miparala ya para kekayung taung pinili na ning Dios a ngening kasalukuyan makakalat bilang dayuan karing probinsia na ning Ponto, Galacia, Capadocia, Asia, at Bitinia.

1 Juan 5:20

At balu tamu king dinatang ya keti king yatu ing Anak ning Dios at dininan na katamung pamanalastas ban akilala ta ya ing Dios a tutu, at king itamu atyu tamu king Dios a tutukayabe nang Jesu-Cristo a Anak na. Ya ing Dios a tutu at ya ing bie alang angga.

Kapahayagan 2:13

Balu ku king manuknangan ka king lugal nung nu ya makabili ing tronu nang Satanas. Makanyan man, manatili kang tapat kanaku. E mu tinggian ing kasalpantayanan mu kanaku inyang i Antipas a tapat kung talasuyu pete re ken king balen a panuknanganan nang Satanas.

Kapahayagan 3:10

Uling tiparan mung mitmung kapibabatan ing utus ku, ingatan da ka potang datang na ing oras ning kapagsubukan karing sablang tau keti king yatu.

Kapahayagan 3:8

Balu ku ing kekang dapat; balu ku king ditak mu ing agyu mu, oneng tiparan mu ing turu ku at meging tapat ka kanaku. Uli na niti, biklat ke ing metung a pasbul king arapan mu at ala metung mang makasara kaniti.