Juan 17:5 - Ing Mayap a Balita Biblia

⁵ At ngeni, Ibpa, paligayan mu ku king keka mu ring kaligayan a sadiang atyu kanaku king pangayabe ku keka bayu ya melalang ing yatu.

Juan 17:5 Iomraidhean Croise

Mateo 25:34

At sabian na ning Ari karing atyu king banda nang wanan, Munta kayu keni, ikayung binendisyunan nang Ibpa ku! Munta kayu keni at tanggapan ye ing kayarian a misadia para kekayu manibat na king pangalalang na ning yatu.

Juan 1:18

Ala pang menakit king Dios; oneng mipakilala ya ing Dios karing tau king kapamilatan na ning bugtung nang Anak; ing Anak a kayabe ning Ibpa king panga-Dios at kaluguran nang tutu.

Juan 10:30

Aku at ing Ibpa metung kami mu.

Juan 14:9

Mekibat ya i Jesus, Felipe, kalambat yu na kung kayabe e mu ku pa balu? Ing menakit kanaku, ikit na ne ing Ibpa. Baket sinabi mung Ipakit me kekami ing Ibpa?

Juan 17:1

Inyang asabi na la deting amanu tinalanga ya banua i Jesus at ngana, Ibpa, dinatang na ing oras; paligayan me ing Anak mu ban apaligayan na ka ning Anak.

Juan 17:24

Ibpa, buri ku king nung nu ku karin kayabe ku la ding binie mu kanaku ban akit da ing binie mung kaligayan kanaku, uling liguran mu na ku bayu ya melalang ing yatu.

Juan 3:13

Ala pang miyukiat king banua subali mu ing Anak ning Tau a tinipang ibat banua.

Juan 8:58

Mekibat ya i Jesus, Ing katutuan sasabian ku kekayu: atyu na ku bayu ya mibait i Abraham.

Filipos 2:6

Agyamang atyu keya ing panga-Dios, makanyan man e na pinilit ing makipante ya king Dios.

Hebreo 1:10

Sinabi na naman, Ika, Ginu, kanitang kapupurmeruan lelangan me ing yatu, at karing mismung gamat mu inubug me ing banua.

Hebreo 1:3

Ya ing maslag nang sala ning ligaya na ning Dios uling ganap neng kawangis king kadiosan na; ya ing magmantini king meto sikluban king kapamilatan na ning mayupaya nang amanu. Ngening alinis na na la ding tau king dinat na ning karelang kasalanan, linukluk ya king banda nang wanan ning Dios a Mayupayang tutu karin banua.

1 Pedro 1:20

Pinili na ne ning Dios bayu ya pa melalang ing yatu at mipakilala ya kareting tauling aldo alang-alang kekayu.

1 Pedro 1:21

King kapamilatan na maniwala kayu king Dios a pepasubling mebie at pepaligaya keya; inya ing kasalpantayanan yu at kapanaligan makapamisan ngan king Dios.

1 Juan 1:2

Mihayag ya iting bie; ikit mi ya at patutuan mi ya kekayu. Magsalita kami tungkul king bie alang angga a kayabe na na ning Ibpa. Iti ya ing mipakilala kekami.

Kapahayagan 13:8

Samban de ring sablang mabibie keti king yatu; detang e misulat a lagyu king libru na ning bie bayu ya melalang ing yatu. Ingatan ne ning Korderong pete ra iting libru.

Kapahayagan 3:21

Lukluk yang kayabe ku king tronu ku ing magtagumpe, nung makananung migtagumpe ku at ngeni makalukluk kayabe nang Ibpa ku king tronu na.