Juan 17:26 - Ing Mayap a Balita Biblia

²⁶ Pepakilala da ka karela at ipakilala da ka pa ban ing lugud mu kanaku miyabie karela, at aku manatili ku karela.

Juan 17:26 Iomraidhean Croise

Ding Dalit 22:22

Sabian ke ing lagyu mu karing kapatad ku, at ika ing kakung purian king karelang kapulungan.

Juan 14:20

Abalu yu king aldong ita king atyu ku king Ibpa at ikayu atyu kayu kanaku, nung makananu kung atyu kekayu.

Juan 14:23

Pekibat nang Jesus, Pamintuan na la ning lulugud kanaku ding amanu ku; luguran neng Ibpa ku at i Ibpa ku at aku manuknangan ke keya.

Juan 15:15

E da na kayu ausan ipus, uling e na balu ning ipus ing daraptan na ning panginuan na. Inya inaus da kayung kakaluguran uling pepabalu ku kekayu ing sablang dimdam ku kang Ibpa ku.

Juan 15:4

Manatili kayu kanaku at manatili ku kekayu. E ya makapamunga ing metung a sanga king sarili na; makapamunga ya mu nung manatili yang makataid king tanaman a ubas. E kayu makapamunga nung e kayu manatili kanaku, antimo ing sanga e ya makapamunga nung e makataid king tanaman a ubas.

Juan 15:9

Nung makananu na kung liguran ning Ibpa, makanyan da kayu namang liguran. Manatili kayu king lugud ku.

Juan 17:23

aku atyu ku karela at ika atyu ka kanaku ban maging ganap lang metung. Kanita abalu na ning yatu king tinubud mu ku at liguran mu la antimo ing pamaglugud mu kanaku.

Juan 17:6

Pepakilala da ka karing taung binie mu kanaku ibat king yatung iti. Keka la, binie mu la kanaku, at tiparan da ing amanu mu.

Juan 17:8

uling tiru ku la king amanung tinggap ku keka at tinggap da iti. Abalu ra king tune kung menibat keka at meniwala la king tinubud mu ku.

Juan 6:56

Ing mangan king laman ku at minum king daya ku manatili ya kanaku at aku manatili ku keya.

Juan 8:50

Makanyan man, e ku panintunan ing sarili kung dangalan; ating metung a manintun kaniti at ya ing mamatul.

Roma 8:10

Nung manuknangan ya kekayu i Cristo, mate ya man ing katawan uli na ning kasalanan yu, mabie ya ing espiritu yu uling pepawalan na kayung kasalanan ning Dios!

1 Corinto 1:30

Oneng inabe na kayu ning Dios kang Cristo Jesus at binie ne kekatamu i Cristo ban maging kabiasnan ta ya; king uli na metanggap tamu king Dios, meging banal na katamung balen at linigtas na katamu.

1 Corinto 12:12

Uling mengari ya i Cristo king metung a katawan a ating dakal a dake; makanyan man metung ya mung katawan agyamang dakal lang miyayaliwang dake.

Galacia 2:20

at nung mabibie ku ngeni aliwa na aku ing mabibie nune i Cristo ya ing mabibie kanaku. At kabang atyu ku keting yatu mabibie ku king kapamilatan na ning kasalpantayanan ku king Anak ning Dios a linugud kanaku, at miyain king sarili na alang-alang kanaku.

Efeso 1:6

Purian ta ya uli na ning maragul nang grasyang regalu na kekatamu king kapamilatan na ning pakamalan nang Anak!

Efeso 3:17

Manuknangan ya sa i Cristo karing kekayung pusu king kapamilatan na ning kekayung pamanialpantaya keya ban king pamagyamut yu, at pamanalumpakan king matibe lugud

Efeso 5:30

Dake na katamu ning katawan na.)

Efeso 5:32

Ating maragul a katutuan a pakilala na niti, ing kaugnayan nang Cristo king iglesia ing amanuan ku.

Colosas 1:27

Uling ing tangka na ning Dios ya iti: ipakilala na ing lihim na karing pinili na, at ipakit na karing sablang tau ing maragul a ligayang darala na niting lihim. At ing lihim a iti alang aliwa nune ini: atyu kekayu i Cristo at iti mangabaldugan king mirakayanan kayu king ligaya na ning Dios.

Colosas 2:10

at ikayu, king pangayabe yu kang Cristo, miganap ing kekayung bie. Makapaygit yang e palak karing pamuntuk at upaya karin banua.

Colosas 3:11

Uli na niti, ala na lang pamiyaliwa ding Griego karing Judio, ding mesirkunsisyun o ding ali, ding dayuan o ding Esquita, ding ipus o ding malaya. Oneng i Cristo ya ing sabla at atyu karing sabla.

2 Tesalonica 2:16

Mananu na sanang paligayan na katamu ning Ginu tamung Jesu-Cristo at ning kekatamung Dios a Ibpa a malugud kekatamu, at king kapamilatan na ning grasya na dinan na katamung alang anggang sikanan lub at mayap a kapanayan.

Hebreo 2:12

Ngana, Isalita ke ing lagyu mu karing kakung kapatad, magkanta kung kapurian keka king libutad da ring sablang taung makatipun.

1 Juan 3:24

Ing mamintu karing kautusan na ning Dios manatili ya king Dios at ing Dios naman manatili ya keya. At king kapamilatan na ning Espiritung babie na kekatamu, abalu tamu king manatili ya ing Dios kekatamu.