Juan 17:25 - Ing Mayap a Balita Biblia

²⁵ O Ibpang Banal, e na ka balu ning yatu, oneng aku balu ra ka at abalu ra deting binie mu kanaku king ika ing mitubud kanaku.

Juan 17:25 Iomraidhean Croise

Isaias 45:21

Me ko keni at iyarap ing kasu yu king husgadu; paburen lang mikukutnanan ding midimanda. Ninu king milabas a panaun ing sinabi king bage mapalyari? Aliwa wari aku, ing Ginu, ing Dios a magligtas king balen na? Ala nang aliwa pang dios subali kaku.

Mateo 11:27

Ing sabla binie na kanaku ning Ibpa ku at alang makakilala king Anak nune mu ing Ibpa, at alang makakilala king Ibpa nune mu ing Anak at detang birian nang makakilala keya ning Anak.

Mateo 16:16

Mekibat ya i Simon Pedro, Ika ing Cristo, ing Anak ning Dios a mabie.

Lucas 10:22

Binie nang Ibpa ku kanaku ing sablang bage. Ala metung mang makibalu nung ninu ing Anak subali mu ing Ibpa, at ala metung mang makibalu king Ibpa subali mu ing Anak at detang buri nang pabaluan ning Anak.

Juan 1:18

Ala pang menakit king Dios; oneng mipakilala ya ing Dios karing tau king kapamilatan na ning bugtung nang Anak; ing Anak a kayabe ning Ibpa king panga-Dios at kaluguran nang tutu.

Juan 10:15

nung makananung ing Ibpa balu na ku at ing Ibpa balu ke. At babie ku ing kanakung bie para karing tupa.

Juan 15:21

Oneng iti ngan daptan da kekayu uli ku; uling e re akikilala ing mitubud kanaku.

Juan 16:27

uling ing Ibpa mismu kaluguran na kayu. Kaluguran na kayu uling liguran yu ku at meniwala kayung ibat ku king Ibpa.

Juan 16:3

At daptan da iti uling e re balu ing Ibpa ni e ra ku balu.

Juan 16:30

Balu mi na ngeni king balu mu ing sabla, at e na kailangan ing kutnan na ka ning ninuman. Uli na niti, paniwalan mi king menibat ka king Dios.

Juan 17:11

Ngeni munta na ku keka, lakuan ku ne ing yatu, oneng atyu la king yatu. Ibpang Banal, ingatan mu la king kapamilatan na ning upaya ning lagyu mu, ing lagyung binie mu kanaku ban maging metung la mu, antimo ikata metung kata mu.

Juan 17:18

Nung makananu mu kung tinubud keti king yatu, makanyan ku la namang tutubud king yatu.

Juan 17:21

Maging metung la ngan sa, Ibpa, antimo ika atyu ka kanaku at aku atyu ku keka, ban ila man maging metung la kekata; kanita maniwala ya ing yatu king ika tinubud mu ku.

Juan 17:23

aku atyu ku karela at ika atyu ka kanaku ban maging ganap lang metung. Kanita abalu na ning yatu king tinubud mu ku at liguran mu la antimo ing pamaglugud mu kanaku.

Juan 17:3

Iti ya ing bie alang angga: ing akilala ra ka, ikang bukud ing tune Dios at i Jesu-Cristo a kekang tinubud.

Juan 17:8

uling tiru ku la king amanung tinggap ku keka at tinggap da iti. Abalu ra king tune kung menibat keka at meniwala la king tinubud mu ku.

Juan 3:17

Uling tinubud ne ning Dios ing Anak na king yatu e ban atulan ne at parusan ing yatu, nune ban miligtas ya ing yatu king kapamilatan na.

Juan 6:19

Inyang mekabagse na lang ating lima o anam a kilometru, ikit deng lalakad i Jesus babo ning danum at palapit ya king bangka. Mitakutan la.

Juan 7:29

Aku balu ke uling ibat ku keya at ya ing mitubud kanaku.

Juan 8:19

Inya kitang da, Nu ya karin ing Ibpa mu? Mekibat ya i Jesus, E yu ku balu ni e ye balu i Ibpa ku. Nung balu yu ku, balu ya naman ing Ibpa ku.

Juan 8:55

Oneng ikayu kapilan man e ye balu, aku balu ke. Nung sabian kung e ke balu maging malaram kung kalupa yu. Oneng balu ke at tutuparan ku ing amanu na.

Ding Dapat 17:23

Uling kabang maglakad ku king kekayung siudad at miglalawe karing lugal a pisasamban yu, menakit ku namang metung a altar nung nu makasulat ing anti kaniti: King Dios a E Pikabaluan. Itang e yu balu a kekayung sasamban, ya ngeni ing panaral ku kekayu.

Ding Dapat 26:18

Ika ing mibuklat karing karelang mata at ibat king dalumdum iyarap mu la king sala, at ibat king upaya nang Satanas tairan mu la king Dios ban king kapamilatan na ning kasalpantayanan da kanaku mipatawaran la karing karelang kasalanan, at mibilang la karing taung pinili na ning Dios.

Roma 1:28

At uling e la bisang kilala king Dios, pepaburen na la ning Dios king e mayap dang pamisip angga na ketang daraptan da ing e ra sukat daptan.

Roma 3:11

alang makakilala ni alang manintun king Dios.

Roma 3:26

oneng ngening kasalukuyan, papansinan na la ding kasalanan da ring tau ba nang pakilala ing kabanalan na. Makanyan nang papakit ning Dios king banal ya, at mipatawaran ya kasalanan ing balang tau king pamanialpantaya na kang Jesus.

1 Corinto 1:21

Uling king kabiasnan na ning Dios, gewa nang masakit para karing tau ing abalu re king kapamilatan na ning karelang kabiasnan. Nune meyapan na ning Dios ing iligtas na la ding maniwala king kapamilatan na ning kamangmangan ning panaral mi.

1 Corinto 15:34

Mibalak na kayung masalese at tuknang kayung darapat kasalanan. Sasabian ku iti ba kayung dumine uling ding mapilan kekayu e re balu ing Dios.

2 Corinto 4:4

E la maniwala uling ding pamisip da binulag na la ning dios na niting yatu. Binulag na la ban e ra akit ing aslag na ning Mayap a Balita tungkul king ligaya nang Cristo a larawan na ning Dios.

2 Tesalonica 1:8

Datang ya libutad ning milalablab a api at parusan na la ding sablang e kikilala king Dios at e tinupad king Mayap a Balita tungkul king Ginu tamung Jesus.

Hebreo 8:11

E na kailangan pa king ituru ne ning ninuman karela ing kalupa nang memalen o sabian na king ninuman karing kapatad na, Kilalanan me ing Ginu. Uling ila ngan akilala da ku, manibat king pekamalati angga na king maragul dili.

1 Juan 1:9

Nung ikumpisal tamu ing kekatamung kasalanan, ayasahan tamu king ipatawad na la kekatamu ning Dios, at linisan na katamu king sabla tamung kasalanan uling tapat ya.

Kapahayagan 13:8

Samban de ring sablang mabibie keti king yatu; detang e misulat a lagyu king libru na ning bie bayu ya melalang ing yatu. Ingatan ne ning Korderong pete ra iting libru.

Kapahayagan 16:5

Dimdam keng migsalita ing anghel a manibala king danuman. Ngana, Ika ing Banal a mabibie ngeni at king panaun a milabas! Makatuliran ka king gewa mung pamanatul.