Juan 17:21 - Ing Mayap a Balita Biblia

²¹ Maging metung la ngan sa, Ibpa, antimo ika atyu ka kanaku at aku atyu ku keka, ban ila man maging metung la kekata; kanita maniwala ya ing yatu king ika tinubud mu ku.

Juan 17:21 Iomraidhean Croise

Jeremias 32:39

Dinan ku lang metung mung pusu at metung mung parasan king bie: king pitakutan da ku king sablang panaun para king sarili dang ikakayap at ding maging lahi ra.

Zepania 3:9

Ibayu ku la kanita ding tau da ring bansa at bukud lang kanaku manalangin at e karing aliwang dios. Aku ing karelang pamintuan.

Zacarias 14:9

Kanita maging ari ya ing Ginu king mabilug a yatu; samban ne ning balang tau bilang Dios at abalu ne kaniti mu ring lagyu.

Marcos 3:24

Nung milaban-laban la deng sasakupan na ning metung a kayarian, e ya manatili ing kayarian a ita.

Juan 10:16

Atin kung aliwang tupa a ala pa keting kural. Kailangan ku la namang panimunan deti; at pakiramdaman da ing siwala ku. Maging metung nia mu ing kawan at metung ing pastul.

Juan 10:30

Aku at ing Ibpa metung kami mu.

Juan 10:38

Nung daraptan ku la, agyang e kayu maniwala kanaku, karing mu mang dapat ku sukat kayung maniwala ban abalu yu at aintindian king ing Ibpa atyu kanaku at aku atyu ku keya.

Juan 11:42

Balu ku king pakiramdaman mu ku kapilan man, oneng sinabi ku iti king uli da ring taung atyu keti ba lang maniwala king ika ing mitubud kanaku.

Juan 13:32

Nung king kapamilatan na mipaligayan ya ing Dios, ing Dios naman paligayan neng agad ing Anak ning Tau.

Juan 13:35

Abalu da ring sablang tau king alagad da kayu, nung mikakalugud kayu.

Juan 17:11

Ngeni munta na ku keka, lakuan ku ne ing yatu, oneng atyu la king yatu. Ibpang Banal, ingatan mu la king kapamilatan na ning upaya ning lagyu mu, ing lagyung binie mu kanaku ban maging metung la mu, antimo ikata metung kata mu.

Juan 17:18

Nung makananu mu kung tinubud keti king yatu, makanyan ku la namang tutubud king yatu.

Juan 17:20

E mu ila ding ipanalangin ku, nune pati na detang maniwala kanaku uli na ning karelang patutu.

Juan 17:25

O Ibpang Banal, e na ka balu ning yatu, oneng aku balu ra ka at abalu ra deting binie mu kanaku king ika ing mitubud kanaku.

Juan 17:3

Iti ya ing bie alang angga: ing akilala ra ka, ikang bukud ing tune Dios at i Jesu-Cristo a kekang tinubud.

Juan 17:8

uling tiru ku la king amanung tinggap ku keka at tinggap da iti. Abalu ra king tune kung menibat keka at meniwala la king tinubud mu ku.

Juan 3:17

Uling tinubud ne ning Dios ing Anak na king yatu e ban atulan ne at parusan ing yatu, nune ban miligtas ya ing yatu king kapamilatan na.

Juan 5:23

ban ding sabla gumalang la king Anak, antimo ing pamangalang da king Ibpa. Itang e gagalang king Anak e gagalang king Ibpa a mitubud keya.

Ding Dapat 2:46

Aldo-aldo lang mititipun miyabe-abe king Templo, at misulusulu la king pamamirasung tinape karing karelang pibalebale. Misulusulu lang mitmung saya at katapatan,

Ding Dapat 4:32

Mikakametung la pusu ding sablang talasalpantaya at pamisip; ala metung man karela ing sinabing bandi na ing sariling pibandian na. Ing sabla dang pibandian para karela ngan.

Roma 12:5

Makanyan munaman, agyamang dakal tamu metung tamu mung katawan kayabe nang Cristo at makayabe tamu king metung at metung antimong miyayaliwa nang dake ning metung a katawan.

1 Corinto 1:10

Ausan da kayu kapanamdaman, kapatad, king lagyu na ning Ginu tamung Jesu-Cristo: mikakasundu kayu, ikayung sabla, king kekayung pisasabian ban e mika ating pamisagsagan kekayu. Misasanmetung kayu king pamisip at parasan.

1 Corinto 12:12

Uling mengari ya i Cristo king metung a katawan a ating dakal a dake; makanyan man metung ya mung katawan agyamang dakal lang miyayaliwang dake.

1 Corinto 6:17

Oneng itang makisanmetung king Ginu makisanmetung ya keya king Espiritu.

Galacia 3:28

Inya ala nang pamiyaliwa karing Judio at karing paganu, karing ipus at karing malaya, karing lalaki at karing babai. Uling ikayu ngan sabla metung kayu mu king pangayabe yu kang Cristo Jesus.

Filipos 1:27

Mibiebie kayu king paralan a makayagpang king Mayap a Balita nang Cristo. Nung daptan yu ing anti kanyan, datang ku man at dumalo mismu kekayu o king makarayu abalitan ku ing kekayung pamibiebie, masalang tutu king matatag kayu talakad king pamisasanmetung king diwa at dirikil yu ing kekayung sarili anting metung para king kasalpantayanan a darala na ning Mayap a Balita.

1 Juan 1:3

Babalita mi kekayu ing ikit mi at dimdam ban akayabe da kayu king pamakiabe king Ibpa at kang Jesu-Cristo a Anak na.

1 Juan 5:7

Atlu la ding patutu: