Juan 17:19 - Ing Mayap a Balita Biblia

¹⁹ At king uli ra babie ku keka ing kanakung sarili ban ila man maging keka la kapamilatan na ning katutuan.

Juan 17:19 Iomraidhean Croise

Isaias 62:1

Magsalita ku ban sikan ya lub ing Jerusalem; e ku magtahimik anggang e ya mikabus, at anggang ing tagumpe e ya sunlag anting sulu ning kabengian.

Jeremias 1:5

Balu da na ka bayu da ka dininan bie at pinili da na ka bayu ka pa mibait ban maging propeta karing bansa.

Ding Bilang 7:15

Minain ya namang metung a biserung toro, metung a lalaking tupa, at metung a lalaking tupa a pabanua tua bilang ain-a-durulukan.

Juan 10:36

Pinili na ku ning Ibpa at tinubud keti king yatu. Makananu yung asabi kanaku ngeni ing lalapastanganan ke ing Dios uling sinabi kung Aku ing Anak ning Dios?

Juan 15:13

Ala nang lugud a maygit pa kesa ketang ibie na ning metung a tau ing bie na para karing kakaluguran na.

Juan 15:3

Malinis na kayu ngeni uli na ning amanung sinabi ku kekayu.

Juan 17:17

Gawan mu lang keka king kapamilatan na ning katutuan; katutuan ing amanu mu.

Juan 17:20

E mu ila ding ipanalangin ku, nune pati na detang maniwala kanaku uli na ning karelang patutu.

1 Corinto 1:2

Miparala ya king iglesia ning Dios karin Corinto, karing inaus nang maging banal ning Dios, ing balen a miyabe kang Cristo Jesus kayabe ding sablang tau a mamaus nu karin man king lagyu na ning Ginu tamung Jesu-Cristo, ing Ginu ra at Ginu tamu naman.

2 Corinto 4:15

Para king ikakayap yu iting sablang bage ban ngening dakal la ding tatanggap king grasya na ning Dios, lalu na la mang dakal ding pasalamat at paligaya keya.

2 Corinto 7:14

Pigmaragul da kayu keya at e na ku man mipakarine. Parati ming sasabian kekayu ing katutuan at makanyan nang ikit Tito king tutu pin ing pagmaragul mi tungkul kekayu.

2 Corinto 8:9

Balu yu nung nu anti karagul ing lugud na kekatamu ning Ginu tamung Jesu-Cristo. Agyamang mabandi ya, meging pakakalulu ya alang-alang kekayu ban mibandi kayu king kapamilatan na ning kakaluluan na.

Colosas 1:6

Magdala yang bendisyun ing Mayap a Balita at mikakalat ya king mabilug a yatu, antimo nung makananu ing mepalyari kekayu manibat na kanitang aldo a kapupurmeruan yung abalitan ing grasya na ning Dios at milyaring yung akilala ing katutuan tungkul king grasya ning Dios.

1 Tesalonica 4:7

Inaus na katamu ning Dios ban mibiebie king kalinisan at e king kanawangan.

2 Timoteo 2:10

Inya pibabatan ku ing sablang bage alang-alang karing pinili na ning Dios ban ila man tanggapan da ing kaligtasan a manibat kang Cristo Jesus a babie ligayang alang kapupusan.

Tito 2:14

Binie na ing sarili na para kekatamu ba na katamung sagipan king sablang e mayap at gawan na katamung bansang bandi nang sarili, malinis at makatalaga king pamaniapat mayap.

Hebreo 10:29

e kasi lalu yang mabayat ing parusang dugpa king taung maninsultu king Anak ning Dios at lalapastangan king dayang meging katibayan na ning tipan ning Dios at pepabanal keya at king taung maninsultu king Espiritung magdalang lunus?

Hebreo 2:11

Ing mamatawad karing kasalanan da ring tau at itang mamatawad at ding taung mipatawaran metung la mu Ibpa. Inya e na la pikarine ausan kapatad na ding tau.

Hebreo 9:13

Nung ing daya da ring kambing at ding toro at ing abu na ning dumalagang bakang dilukan a pipisik da at bububud karing taung lalawan nang marinat ning Kautusan malilinis la king sablang dinat da,

Hebreo 9:18

Agyang itang minunang kasunduan e ya mirinan katibayan nune mu king kapamilatan na ning daya.

Hebreo 9:26

Nung e makanyan ing gewa na, e kasi kailangan ing ulit-ulit yang mamamate manibat na kanitang melalang ya ing yatu. Oneng pepakit ya misan mu at para king kapilan pa man ngening malapit nang mapupus ing panaun, ba nang ilako ing kasalanan king kapamilatan na ning pamisakripisyu na king sarili na.

1 Juan 3:18

Anak ku, e tamu sana lulugud king kapamilatan na mu ning amanu o salita. Ipakit tamu ing lugud king kapamilatan na ning dapat.

1 Juan 3:3

Inya ing ninumang ating kapanayan kang Cristo sukat yang manatiling malinis, antimo i Cristo malinis ya.