Juan 17:15 - Ing Mayap a Balita Biblia

¹⁵ E ku aduan keka ing ilako mu la king yatu, nune ilisia mu la king Marawak.

Juan 17:15 Iomraidhean Croise

Genesis 48:16

Bendisyunan no sana ning anghel a mikabus kanaku king heganaganang e mayap ding anak a reti; karela ya sana manatili ing lagyu ku antimu rin ing lagyu ra di Abraham at Isaac a kanakung pipumpunan, dakal la sana ding ayanak da keti king yatu.

1 Cronica 4:10

Oneng nganang menalangin Jabez king Dios ning Israel, Sana bendisyunan mu ku, O Dios, at parakalan mu ing gabun a kakung sasakupan. Patnubayan mu ku at iligtas king nanumang e mayap a munie kaplas lub kanaku. At binie na ning Dios itang inawad na.

Ding Dalit 121:7

Ingatan na ka ning Ginu king sablang panganib; ilisia na ka king sablang disgrasya.

Ding Dalit 30:9

Nanu ing apala mu nung mate ku, nung wari't king aun kuldas ku? Apurian da ka kaya ding mete o asabi ing kekang kayapan?

Ecclesiastes 9:10

Gawan mu ing sablang agyu mu king nanumang pagobran mu, uling king pupuntalan mung kutkutan da ring mete ala na kang pagobran o isipan o beluan o kabiasnan.

Isaias 57:1

Mate la ding mayap a tau at ala metung mang makaintindi o magmasabal karela. Oneng potang mate la, ala nang sakuna a miras pa karela.

Mateo 5:37

Makagyu nang sabian mu Wa, nung wa ing buri mung sabian, at Ali, nung ali; uling king Marawak na manibatan ing nanumang idagdag mu.

Mateo 6:13

At e mu ke paisaul king mabayat a kapagsubukan, nune ikabus mu kami king Marawak.

Lucas 11:4

At patawaran mu kami karing kasalanan mi, uling patawaran mi la naman detang mikasala kekami. E mu ke iyarap king mabayat a kapagsubukan.

Lucas 22:32

Oneng penalangin da ka king kapilan man e sa lubus milako ing kekang kasalpantayanan. At kabud mibalik ka lub kanaku, pasiknangan mu la ding kekang kapatad.

Galacia 1:4

Ban iligtas na katamu king e mayap a mag-ari king kasalukuyan a panaun, inain nang Cristo ing sarili na alang-alang karing kekatamung kasalanan bilang kapamintuan king kaburian na ning kekatamung Dios at Ibpa.

2 Tesalonica 3:3

Tapat ya ing Ginu. Dinan na kayung sikanan at iligtas na kayu king Marawak.

2 Timoteo 4:8

Ngeni tanggapan ku ne ing korona na ning tagumpe a misadia para kanaku. At ing Ginu, ing banal a Ukum, ya ing miputung king korona king Aldo ita. E mu kanaku, nune pati na karing sablang malugud manenaya king paniatang nang pasibayu.

1 Juan 5:18

Balu tamu king ing metung a anak na ning Dios e ya mikakasala, uling ingatan ne ning Anak ning Dios at e ne ananu balang ning Marawak.

1 Juan 5:19

Balu tamu king anak na katamu ning Dios, at ing mabilug a yatu atyu king upaya na ning Marawak.