Juan 17:13 - Ing Mayap a Balita Biblia

¹³ Oneng ngeni papunta na ku keka at sasabian ku la deting bage kabang atyu ku keti king yatu ban mikatmuan lang lubus king kanakung tula.

Juan 17:13 Iomraidhean Croise

Nehemias 8:10

Muli na kayu at magsaya. Mangan kayu at minum at dinan yu la detang alang pamangan at inuman, uling banal ya iting aldo king kekatamung Ginu. Inya e kayu sukat malungkut. Ing tula a babie na ning Ginu kekayu ya ing kekayung sikanan.

Ding Dalit 126:5

Detang menangis inyang tatanam la, kailangan lang magsaya ngening pupupul la!

Ding Dalit 43:4

Karin ketang altar mu, O Dios, lumapit ku; ikang babie kaku king tulang e mu nanu; tigtigan keng alpa at purian da ka, O Dios a kakung Dios.

Juan 13:3

Balu nang Jesus king ing sablang upaya binie na na ning Ibpa keya at king ibat ya king Dios at papunta ya king Dios.

Juan 15:11

Sinabi ku la kekayu deting bage ban manatili kekayu ing tula ku at miganap ing tula yu.

Juan 16:33

Sinabi ku la deting bage ban mika kapayapan kayu king pamakiabe yu kanaku. Mika kasakitan kayu keti king yatu; oneng magpakatatag kayu! Migtagumpe na ku king yatu!

Juan 17:11

Ngeni munta na ku keka, lakuan ku ne ing yatu, oneng atyu la king yatu. Ibpang Banal, ingatan mu la king kapamilatan na ning upaya ning lagyu mu, ing lagyung binie mu kanaku ban maging metung la mu, antimo ikata metung kata mu.

Juan 3:29

Bandi ne ning lalaking kakasal ing babaing ikakasal na. Manenaya ya ing kakaluguran ning lalaking kakasal at makiramdam king paniatang na at maragul ing tula na kabud damdaman na ing bosis ning lalaking kakasal. Makanyan maging ganap ing tula ku ngeni.

Juan 7:33

Inya sinabi nang Jesus, Akayabe yu ku king ditak namung panaun at mibalik na ku ketang mitubud kanaku.

Ding Dapat 13:52

Mikatmuan na la man king tula at king Banal a Espiritu ding talasalpantaya karin Antiokia.

Roma 14:17

Uling ing Kayarian ning Dios e ya mangabaldugan pamangan o inuman, nune metung yang bage a makatungkul king kabanalan, kapayapan at tula a babie na ning Banal a Espiritu.

Galacia 5:22

Oneng ing bunga na ning Espiritu ya ing lugud, tula, kapayapan, kapibabatan, ganaka, kayapan, katapatan,

Hebreo 12:2

E ta la lalako ding mata tamu kang Jesus uling keya megumpisa at migaganap ing kekatamung kasalpantayanan. E ya pepaisira lub i Jesus uli na ning krus! Nune, uli na ning tulang makapanaya keya pibata na ing kamarinayan a mate ya king krus. At ngeni atyu makalukluk king banda nang wanan ning tronu na ning Dios.

1 Juan 1:4

Susulat mi iti ban maging ganap ing tula mi.

2 Juan 1:12

Dakal ku pa buring sabian kekayu, oneng e king kapamilatan na niting sulat. Pagnasan da kayung dalawan at akapagsalitang miyarapan ban lalung maging ganap ing tula tamu.