Juan 17:11 - Ing Mayap a Balita Biblia

¹¹ Ngeni munta na ku keka, lakuan ku ne ing yatu, oneng atyu la king yatu. Ibpang Banal, ingatan mu la king kapamilatan na ning upaya ning lagyu mu, ing lagyung binie mu kanaku ban maging metung la mu, antimo ikata metung kata mu.

Juan 17:11 Iomraidhean Croise

Ding Dalit 79:9

Saupan mu kami, O Dios a kekeng talapagligtas; sagipan mu kami at patawaran pamikasala mi alang-alang king lagyu mung marangal.

Ding Kasebian 18:10

Mengari ya ing lagyu ning Ginu king toreng matibe; kambilan ne ing taung banal king oras ning pamangailangan.

Isaias 27:3

Banten ke at parati keng paranuman. Banten ke aldo at bengi ban e ne ananu balang ning ninuman.

Isaias 64:2

Galgal lang anti ing danum a bubukal babo ning api. Tipa ka at ipakit ing upaya mu karing kalaban mu at pagalgalan mu la ding bansa king arapan mu.

Jeremias 14:21

Ganakan mu la sa ding pangaku mu; e mu ke sa lalakuan, e me sa bibili king kamarinayan ing Jerusalem, ing karinan ning marangal mung tronu. E me sa sisiran ing kasunduan a gewa mung kayabe mi.

Jeremias 14:7

Mamaus la kaku ding taung kakung pinili. Ngara, Agyang ing kasalanan mi tetestigu laban kekami, makanyan man, Ginu, saupan mu kami antimo ing pengaku mu. Gilutan da kang e mu misan; mikasala kami keka.

Ezekiel 20:22

Oneng e ku depatan ita, uling ita munie alang dangalan king kanakung lagyu libutad da ring bansang menakit kanaku inyang tairan ke ing Israel king paglual na Ehipto.

Ezekiel 20:44

Potang kimut ku ban idipensa ing dangalan ku, akilala yu ikayung Israelita, king aku ing Ginu, uling e da kayu tratusan anti ing mangaintulid karing bage manawang at e mayap a kekayung depatan. Ing Ginung Dios ya ing migsalita.

Ezekiel 20:9

Oneng e ku depat ita ban e ya milako dangalan ing lagyu ku, uling king durungutan da ring taung kayabe da belita ku king Israel king tairan ku lang lumual Ehipto.

Mateo 10:16

Tandanan yu! Tutubud da kayu antimong tupa libutad da ring asung-gubat. Sukat kayung maging matalino antimo ding ubingan, at mamu lub antimo ding patipati.

Mateo 5:48

Inya sukat kayung maging ganap, nung makananu yang ganap antimo ing Ibpa yung atyu banua.

Mateo 6:9

Manalangin kayung anti kanini: Ibpa ming atyu banua, samban ya sa ing lagyu mu;

Juan 13:1

Bespera na kanita ning Piesta ning Pamaglagpus. Balu nang Jesus king dinatang na ing oras na ban mako ya keti king yatu at mibalik ne king Ibpa. Kaluguran na la ding bandi na a atyu king yatu at liguran na la angga king kawakasan.

Juan 13:3

Balu nang Jesus king ing sablang upaya binie na na ning Ibpa keya at king ibat ya king Dios at papunta ya king Dios.

Juan 14:20

Abalu yu king aldong ita king atyu ku king Ibpa at ikayu atyu kayu kanaku, nung makananu kung atyu kekayu.

Juan 16:28

Ibat ku king Ibpa at dinatang ku king yatu. Ngeni lalakuan ku ne ing yatu at mibalik na ku king Ibpa.

Juan 16:33

Sinabi ku la deting bage ban mika kapayapan kayu king pamakiabe yu kanaku. Mika kasakitan kayu keti king yatu; oneng magpakatatag kayu! Migtagumpe na ku king yatu!

Juan 17:23

aku atyu ku karela at ika atyu ka kanaku ban maging ganap lang metung. Kanita abalu na ning yatu king tinubud mu ku at liguran mu la antimo ing pamaglugud mu kanaku.

Juan 17:25

O Ibpang Banal, e na ka balu ning yatu, oneng aku balu ra ka at abalu ra deting binie mu kanaku king ika ing mitubud kanaku.

Juan 17:6

Pepakilala da ka karing taung binie mu kanaku ibat king yatung iti. Keka la, binie mu la kanaku, at tiparan da ing amanu mu.

Juan 7:33

Inya sinabi nang Jesus, Akayabe yu ku king ditak namung panaun at mibalik na ku ketang mitubud kanaku.

Ding Dapat 3:21

Kailangan ing manatili ya pa karin banua anggang e datang ing panaun para mibayu ngan ing sablang bage, antimo ing pepabalu na ning Dios king kapamilatan da ring banal nang propeta kanita pang minunang panaun.

Roma 12:5

Makanyan munaman, agyamang dakal tamu metung tamu mung katawan kayabe nang Cristo at makayabe tamu king metung at metung antimong miyayaliwa nang dake ning metung a katawan.

Roma 9:17

Uling nganang migsalita ning kasulatan king ari ning Ehipto, Gewa da kang ari ba da kang kasangkapanan king pamipakilala ku king kanakung upaya, at king pangahayag na ning kanakung lagyu king mabilug a yatu.

1 Corinto 1:10

Ausan da kayu kapanamdaman, kapatad, king lagyu na ning Ginu tamung Jesu-Cristo: mikakasundu kayu, ikayung sabla, king kekayung pisasabian ban e mika ating pamisagsagan kekayu. Misasanmetung kayu king pamisip at parasan.

Galacia 3:28

Inya ala nang pamiyaliwa karing Judio at karing paganu, karing ipus at karing malaya, karing lalaki at karing babai. Uling ikayu ngan sabla metung kayu mu king pangayabe yu kang Cristo Jesus.

Efeso 4:4

Metung ya mu ing katawan at metung ya munaman ing Espiritu; antimo nung makananung metung ya mu ing kapanayan a kekayung keyaus.

Filipos 2:9

Uli na niti, pepaygit ne ning Dios at dininan neng lagyu a mimigit karing sablang lagyu.

Hebreo 1:3

Ya ing maslag nang sala ning ligaya na ning Dios uling ganap neng kawangis king kadiosan na; ya ing magmantini king meto sikluban king kapamilatan na ning mayupaya nang amanu. Ngening alinis na na la ding tau king dinat na ning karelang kasalanan, linukluk ya king banda nang wanan ning Dios a Mayupayang tutu karin banua.

Hebreo 9:24

Uling e ya linub i Cristo king metung a Banal a Lugal a gewa da ring tau at anino nang mistula ning tune, nune linub ya karin banua mismu at ngeni atyu arap ning Dios at mamilatan ya para kekatamu.

Santiago 4:4

Taksil a tao! E yu wari balu king ding maki-kaluguran king yatu maging kalaban na la ning Dios? Inya, ninuman ing bisang maging kakaluguran na ning yatu gagawan neng kalaban na ning Dios ing sarili na.

1 Pedro 1:5

Makapanaya iti para kekayu, ikayung liligtas na ning upaya ning Dios king kapamilatan na ning kasalpantayanan kabang panenayan yu itang kaligtasan a makasadiang mipakilala king kawakasan na ning panaun.

1 Juan 3:12

E ta ya sukat pakiapusan i Cain uling tinuki ya king Marawak at pete ne ing kapatad nang i Abel. Obat pete ne? Uling e ya mayap a dapat i Cain; oneng mayap ing dapat ning kapatad na.

1 Juan 5:19

Balu tamu king anak na katamu ning Dios, at ing mabilug a yatu atyu king upaya na ning Marawak.

Judas 1:1

Ibat ya iting sulat kang Judas, ing talasuyu nang Jesu-Cristo at kapatad nang Santiago. Miparala ya karing sablang inaus na ning Dios, ding mabibie king lugud na ning Dios Ibpa at king saup nang Jesu-Cristo.

Judas 1:24

Ngeni itang maki upayang makasaup kekayu ban e kayu mitakid at ayarap na kayung alang kapintasan, at ating tula king ligaya na,

Kapahayagan 15:4

Ninu ing e tumakut keka, O Ginu? Ninu ing e munie kapurian king kekang lagyu? Uling ika mung bukud ing banal! Lumapit la at samba keka ding sablang bansa, uling ikit da la ring matulid mung dapat.

Kapahayagan 19:12

Milalablab ya mata at dakal lang korona ding makaputung king buntuk na. Makasulat ya king katawan na ing lagyu na; oneng ya ing bukud makibalu king kabaldugan na niti.

Kapahayagan 4:8

Tianam la pakpak ding apat a mabie lelangan; mitmu yang mata kilub at lual ing balang metung karela. Aldo't bengi ala lang tuknang magkanta. Ngara, Banal, banal, banal ya ing Ginung Dios a Mayupaya king sabla, ing Dios napun, ngeni at king daratang a panaun.