Juan 16:30 - Ing Mayap a Balita Biblia

³⁰ Balu mi na ngeni king balu mu ing sabla, at e na kailangan ing kutnan na ka ning ninuman. Uli na niti, paniwalan mi king menibat ka king Dios.

Juan 16:30 Iomraidhean Croise

1 Ari 17:24

Ngana ning babai kang Elias, Ngeni ku apatunayan king ika tune na kang talasuyu ning Dios, at ing amanung sasabian yung ibat king Ginu pawang katutuan.

Juan 16:17

Ngarang mipapagsalita ding mapilan karing alagad, Nanu kaya ing buri nang sabian king Saguli na mu e yu na ku akit, at kaybat na ning ditak a panaun akit yu kung pasibayu at Munta ku king Ibpa?

Juan 16:23

King aldo ita, ala na kayung aduan nanuman kanaku. Ing katutuan sasabian ku kekayu: nung maniawad kayung nanuman king Ibpa king lagyu ku, ibie na iti kekayu.

Juan 16:26

King aldo ita, maniawad kayu king lagyu ku, at e ku sasabian king aku ing maniawad king Ibpa para kekayu,

Juan 16:31

Mekibat ya i Jesus karela, Maniwala na kayu ngene?

Juan 17:8

uling tiru ku la king amanung tinggap ku keka at tinggap da iti. Abalu ra king tune kung menibat keka at meniwala la king tinubud mu ku.

Juan 2:11

Iti milyari karin Cana, Galilea; iti ya ing mumunang milagru a depat nang Jesus. Karin na pepakit ing kayupayan na at iti meging dalan ne ning pamaniwala ra keya ding alagad na.

Juan 21:17

Kitang na king katlung besis, Simon, anak nang Juan, kaluguran mu ko? Melungkut ya i Pedro uling mekatatlu na kitang: Kaluguran mu ko? At mekibat ya, Ginu, balu mu ing sabla; balu mu king kaluguran da ka! Sinabi nang Jesus, Pakanan mu la ding tupa ku.

Juan 5:20

Uling kaluguran ne ning Ibpa ing Anak at papakit na king Anak ing sablang daraptan na. At pakitanan ne pang dapat a maygit kareti ban mangapamulala kayu.

Juan 8:42

Nganang Jesus karela, Nung ing Dios ya ing kekayung Tata, sukat ing luguran yu ku uling dinatang kung menibat king Dios. E ku dinatang king sarili kung kaburian, nune ya ing mitubud kanaku.

Hebreo 4:13

Ala kang asalikut nanuman king Dios. Ing sablang melalang makabuklat at makalantad king panimanman na at king Dios tamu munie kwenta tungkul king kekatamung sarili.