Juan 16:25 - Ing Mayap a Balita Biblia

²⁵ Sinabi ku la kekayu deting bage king kapamilatan da ring talimhaga. Oneng datang ing panaun a e na ku magsalita kekayu king kapamilatan da ring talimhaga, nune magsalita kung malino kekayu tungkul king Ibpa.

Juan 16:25 Iomraidhean Croise

Ding Dalit 49:4

Pansinan ku lang kasebian, at karelang kabaldugan kakung pakibaluan kabang ining alpa kaku yang titigtigan.

Ding Dalit 78:2

Ing asbuk ku magsalita ya king kapamilatan ning talimhaga, at ibulalag ku lang lihim a aral a milihim king milabas a panaun;

Ding Kasebian 1:6

ban malyari da lang aintindian ding malalam dang kabaldugan ding kasebian, at ding palaisipan ding taung biasa.

Ezekiel 20:49

Oneng ngakung tinutul, O Ginung Dios, e mu sa parapat kanaku ing anti kanyan! Sasabian na na ning metung at metung king maralas ku kanung magsalita king kapamilatan da ring bugtung.

Marcos 4:13

Kaybat, kitnan na lang Jesus, E ye pa aintindian ing talimhagang binie ko? Makananu yu lang aintindian ding aliwa pang talimhaga?

Marcos 4:34

E ya menaral karela a e mo sa ginamit talimhaga; oneng neng ala neng kayabe nune mu ding alagad na mamalinawan na karela ing kabaldugan da ring talimhaga.

Marcos 8:32

Malino nang sinabi karela iti. Kanita kewani neng Pedro i Jesus karing alagad at tinutul ya king sinabi na.

Juan 10:24

at pilupungnan de ring Judio. Ngara kang Jesus, Angga kapilan ing ibili mu kami king pamikekelangan? Nung ika ing Cristo, sabian mung tapatan kekami.

Juan 10:6

Sinabi neng Jesus iting talimhaga karela, oneng e ra aintindian ing buri nang sabian.

Juan 16:12

Dakal ku pa buring sabian kekayu, oneng e yu pa agyung paki-intindian ngeni.

Juan 16:2

Itiwalag da kayu karing sinagoga. Datang ing panaun potang ing ninumang makamate kekayu isipan na king susuyu ya king Dios.

Juan 16:32

Daratang ing oras, at makaras na ing misalbag-salbag kayu; muli ya ing balang metung king sarili nang bale at lakuan yu kung magdili-dili. Oneng e ku tune magdili-dili uling kayabe ke ing Ibpa.

2 Corinto 4:2

Pangilagan mi ing dapat a makarine a mararapat king makasalikut. E kami maglinlang at e mi babaluktut ing amanu na ning Dios. King mitmung katapatan, hayagan ming ipanaral ing katutuan at uli na niti, aduan mi arap ning Dios ing paniwalan da kami ding sablang tau.