Juan 16:23 - Ing Mayap a Balita Biblia

²³ King aldo ita, ala na kayung aduan nanuman kanaku. Ing katutuan sasabian ku kekayu: nung maniawad kayung nanuman king Ibpa king lagyu ku, ibie na iti kekayu.

Juan 16:23 Iomraidhean Croise

Isaias 65:24

Pakibatan kung agad ing panalangin da bayu ra pa ayari ing panalangin da kanaku.

Mateo 21:22

Nanuman ing aduan yu king kekayung pamanalangin tanggapan yu, nung atin kayung kasalpantayanan.

Mateo 7:7

Maniawad kayu, at mirinan kayu; manintun kayu, at manakit kayu; tuktuk kayu king pasbul, at mibuklatanan kayu.

Juan 14:20

Abalu yu king aldong ita king atyu ku king Ibpa at ikayu atyu kayu kanaku, nung makananu kung atyu kekayu.

Juan 14:22

Kitnan neng Judas (aliwa ing Iscariote), Ginu, baket kekami ka mu pakilala at e king yatu?

Juan 14:5

Nganang Tomas, Ginu, e mi man balu nung nu ka munta, makananu mi yang balu ing dalan?

Juan 15:7

Nung manatili kayu kanaku at ding amanu ku manatili la kekayu, aduan yu itang nanumang buri yu at miyabie kekayu.

Juan 16:19

Balu nang Jesus king buri deng kutnan, inya ngana karela, Iti wari ing kukutang yu: nung nanu ing buri kung sabian tungkul king sinabi kung Saguli na mu e yu na ku akit, at kaybat ning ditak a panaun akit yu kung pasibayu?

Juan 16:26

King aldo ita, maniawad kayu king lagyu ku, at e ku sasabian king aku ing maniawad king Ibpa para kekayu,

Juan 16:30

Balu mi na ngeni king balu mu ing sabla, at e na kailangan ing kutnan na ka ning ninuman. Uli na niti, paniwalan mi king menibat ka king Dios.

Efeso 2:18

Uli nang Cristo, parehu tamung mekalapit king Ibpa king kapamilatan na ning metung a Espiritu.

1 Juan 2:1

Pakamalan kung anak, susulat ku iti kekayu ban e kayu mikasala. Nung ing ninuman mikasala ya, atin tamung talapamilatan king Ibpa. Ing talapamilatan ya i Jesu-Cristo, ing alang bakas kasalanan.