Juan 16:22 - Ing Mayap a Balita Biblia

²² Makanyan munaman kekayu: malungkut kayu ngeni, oneng pakikitan da kayung pasibayu, at mikatmuan la king tula ding pusu yu. E na adayu ning ninuman ing tula yu.

Juan 16:22 Iomraidhean Croise

Job 34:29

Nung ing Dios ala yang gawan nanuman, ala metung man ing makapintas. Nung isalikut ne ing lupa na, nanu ing akarapat ning ninuman?

Ding Dalit 146:2

Purian ke ing Ginu kabang mabie ku; pagkanta ke ing Dios ku king kekaban ning bie ku.

Ding Dalit 33:21

Maligaya kami uli na, uling lagyu nang banal panaligan mi ya.

Isaias 25:9

Potang mapalyari na iti, sabian na ning balang metung, Ya ing kekaming Dios! Binili mi ing kapanaligan mi king Dios at linigtas na kami. Ya ing Ginu. Binili mi ing kapanaligan mi king Dios at matula kami ngeni ampon masaya uling linigtas na kami!

Jeremias 31:12

Datang la at magkanta king tula king Bunduk ning Zion, at tumula la karing kakung babie: binutil, alak, at larung olibo, tupa ampon baka. Mangari la king mulahan a parating mididiligan, at e na la takman kalungkutan kapilan man.

Mateo 28:8

Inya memalagua lang meko king kutkutan. Miyabe ing takut ampon ing tula da at pupulayi lang minta karing alagad.

Lucas 10:42

oneng metung mu ing tune kailangan. Tinud yang memili i Maria at iti e milako keya.

Lucas 16:25

Oneng nganang Abraham, Anak ko, ganakan mu king kanitang atyu ka king yatu migpakasawa ka king mangayap a bage at mibata yang kasakitan i Lazaro. Oneng ngeni mipaligayan ya keni kabang ika naman magdusa ka.

Lucas 19:26

Sasabian ku kekayu, nganang mekibat, ing ninumang atin na, mirinan ya pa; oneng itang ala, agyang itang ditak a atyu keya mayakua pa.

Lucas 24:41

E la pa mu rin maniwala uli na ning maragul dang tula at pangasdan. Inya kitang na karela, Atin kayung nanumang apangan keti?

Juan 14:1

Nganang sinabing Jesus karela, E kayu sukat mababalisa. Maniwala kayu king Dios at maniwala kayu naman kanaku.

Juan 14:19

Saguli na mu at e na na ku akit ning yatu, oneng akit yu ku; uling mabie ku, ikayu man mie kayu.

Juan 14:27

Ing kapayapan lalakuan ku kekayu; ing kanakung kapayapan babie ku kekayu, ing kapayapan a e na kalupa ning babie ning yatu. E kayu sukat mababalisa o mitakutan man.

Juan 16:16

Saguli na mu at e yu na ku akit at kaybat na ning ditak a panaun akit yu kung pasibayu.

Juan 16:20

Ing katutuan sasabian ku kekayu: tumangis kayu at lungkut, oneng tumula ya ing yatu. Lungkut kayu, oneng miyalilan tula ing lungkut yu.

Juan 16:6

Malungkut kayu uling sinabi ku la ngeni deting bage.

Juan 21:7

Ngana ning alagad a pakamalan nang Jesus kang Pedro, Ya ing Ginu! Panamdam nang Simon Pedro king ya pala ing Ginu, sinulud na ing imalan na (uling lubas ya) at linuksu ya king danum.

Juan 4:14

oneng e ne kumau kapilan man ing ninumang minum king danum a ibie ku. Uling ing danum a ibie ku keya maging sibul ya kilub na at ibie ne ing bie alang angga.

Ding Dapat 13:52

Mikatmuan na la man king tula at king Banal a Espiritu ding talasalpantaya karin Antiokia.

Ding Dapat 16:25

Inyang malalam nang bengi i Pablo at i Silas menalangin la't migkanta king Dios, at mekiramdam la ding aliwang makasukul.

Ding Dapat 2:46

Aldo-aldo lang mititipun miyabe-abe king Templo, at misulusulu la king pamamirasung tinape karing karelang pibalebale. Misulusulu lang mitmung saya at katapatan,

Ding Dapat 5:41

Meko lang kitmuan tula ding apostol king arap ning Konsehu, uling ila meyakit lang karapatdapat dumalan kaligaligan alang-alang king lagyu nang Jesus.

2 Corinto 6:10

agyamang maragul ing kalungkutan, parati keng masaya; lupa keng pakakalulu, oneng seupan mi lang misalapi ding dakal; balamu mo ala kaming nanumang pibandian, oneng atyu ngan kekami ing sabla.

2 Tesalonica 2:16

Mananu na sanang paligayan na katamu ning Ginu tamung Jesu-Cristo at ning kekatamung Dios a Ibpa a malugud kekatamu, at king kapamilatan na ning grasya na dinan na katamung alang anggang sikanan lub at mayap a kapanayan.

Hebreo 10:34

Demayan yu la ding mesukul king kasakitan da, at inyang ing sablang pibandian yu mesamsam, tinggap yung matula, uling balu yu king atin pang pibandian a lalung mayap at alang kayangganan.

Hebreo 6:18

Inya e ya magbayu at maglaram ing Dios tungkul kareting aduang bage: ing pangaku na at sumpa. Itamung menakit kaligtasan king Dios, sukat tamung mirinan tetagan a lub king pamanaya karing pengaku na.

1 Pedro 1:8

Kaluguran ye agyamang e ye pa ikit. Paniwalan ye agyamang king kasalukuyan e ye akakit. Inya mipaligayan kayu king maragul a tula a e na alarawan ning amanu na ning tau.