Juan 16:21 - Ing Mayap a Balita Biblia

²¹ Neng manganak ya ing metung a babai, lulungkut ya uling dinatang na ing oras ning pamagkasakit na. Potang abait na ne ing anak na, e na na agaganaka ing kasakitan a delanan na; tumula ya uling abait na ne king yatu ing metung a anak.

Juan 16:21 Iomraidhean Croise

Genesis 3:16

Ngana naman king babai, Dagdagan ku ing kasakitan mu king kekang pamanganak; king sakit ibait mu la ding anak mu. Makanyan man pagnasan me pa mu rin ing asawa mu at pailalam ka king upaya na.

Job 11:16

Kalinguan mu na ing kekang kalungkutan; isipan mu na mung anting danum a linabas.

Ding Dalit 113:9

Ing babaing e mikakayanak parangalan ne king pibalebale na; paligayan ne kapamilatan ning pamamie nang anak. Purian ya ing Ginu!

Isaias 13:8

Mitakutan la ngan at misakitan anti ing kasakitan na ning babaing manganak. Milalawayan la at king mitmung takut lare la lupa uli na ning dine ra.

Isaias 21:3

Mikatmuan kung takut at penamdaman ku ing kanakung ikit at dimdam king vision; sakit a kalupa na ning babaing malapit nang manganak.

Isaias 66:7

Mengari ya ing banal kung siudad king metung a ima a biglang menganak a lalaki; e man bitasang miramdam!

Mikeas 4:10

Memalen na ning Jerusalem, mamalipit na kayu at saingsing king kaplas anti ing babaing manganak, uling ngeni lakuan yu ne ing siudad at manuknangan kayu king marangle. Kailangan ing munta kayu Babilonia. Oneng karin iligtas na kayu ning Ginu karing kalaban yu.

Mikeas 4:9

Obat pakakulisak mu ing kiak mu? Obat balamu babai kang manganak? Uli na wari ning ala na kang ari at mete na la ding tagapayu mo?

Galacia 4:27

Uling sasabian na ning kasulatan, Magsaya ka, ikang baug a e pa mikayanak! Kulisak ka at maniambitan king mitmung tula, ikang e pa menganak! Uling ing babaing mipaimburisan mikayanak yang lalung dakal kesa king babaing kautus ning asawa na.

1 Tesalonica 5:3

Potang sasabian da ring tau, Payapa at panatag ing sabla-sabla, biglang datang ing kasiran. E la makaligtas uling ing paniatang na niti kalupa na ning pamiramdam ning babaing manganak.