Juan 16:2 - Ing Mayap a Balita Biblia

² Itiwalag da kayu karing sinagoga. Datang ing panaun potang ing ninumang makamate kekayu isipan na king susuyu ya king Dios.

Juan 16:2 Iomraidhean Croise

Isaias 65:5

At sasabian da pa karing aliwa king e la sukat lalapit karela pota atagkil da la uli mo kanung tutu lang banal. E ku na la apibata deng taung makanyan! Mengari king aping e matatda ing mua ku karela.

Isaias 66:5

Makiramdam kayu king sasabian na ning Ginu, ikayung ating takut at mamintu king Ginu: Uling tapat kayu kanaku, pikasaman da kayu ding mapilan karing kabalen yu at ala lang pakialam kekayu. Insultuan da kayu at ngarang sumabi, Paburen tamung pakit na kekatamu ning Ginu ing upaya na at ing pamagligtas na ba da kayung akit saya! Oneng ila mismu ding mangapakarine!

Daniel 11:33

Idake da ring mangabiasang pamuntuk da ring tau ing karelang kabiasnan karing aliwa pang dakal a tau. Oneng king saguling pang penandit, mate la ding mapilan king pamakilaban o king api at mangapanakawanan la ding mapilan at mabihag.

Mateo 10:28

E yu la pitatakutan ding makapate king katawan, oneng ali ra ne man ing kaladua; nune ing sukat yung pitakutan ya ing Dios a makapamarusa king kaladua at katawan king impierno.

Mateo 24:9

King panaun a ita, pikasaman da kayu ding sablang tau king uli ku at pandakpan da kayu ban parusan at paten.

Lucas 6:22

Mapalad kayu nung pikasaman da kayu, tanggian at pamakarinayan at paniabianan e mayap king uli na ning Anak ning Tau!

Juan 12:42

Makanyan man, agyang karing pamuntuk da ring Judio dakal la ding meniwala kang Jesus. Oneng e ra pepaulata ing pamaniwala ra uli na ning takut da karing Pariseo, pota itiwalag da la king sinagoga.

Juan 16:25

Sinabi ku la kekayu deting bage king kapamilatan da ring talimhaga. Oneng datang ing panaun a e na ku magsalita kekayu king kapamilatan da ring talimhaga, nune magsalita kung malino kekayu tungkul king Ibpa.

Juan 16:32

Daratang ing oras, at makaras na ing misalbag-salbag kayu; muli ya ing balang metung king sarili nang bale at lakuan yu kung magdili-dili. Oneng e ku tune magdili-dili uling kayabe ke ing Ibpa.

Juan 4:21

Nganang Jesus, Babae, maniwala ka kanaku, datang ing oras nung kapilan ding tau e re samban ing Ibpa keting bunduk o king Jerusalem man.

Juan 4:23

Oneng daratang na ing oras, at miras na, nung kapilan ding tune sasamba samban de ing Ibpa king espiritu ampon king katutuan. Ding anti kareti ila ding buri nang samba ning Ibpa keya.

Juan 9:22

Makanyan lang migsalita ding pengari na uling tatakut la karing Judio at uli na ning pikasundu da ring Judio king itiwalag de king sinagoga ing ninumang sumabi king i Jesus ya ing Cristo.

Juan 9:34

Pekibat da, Ikang mipanganak at meragul king kasalanan, ikang turu kekame? At tiwalag de king sinagoga.

Ding Dapat 5:33

Mimua la ding miembru na ning Konsehu inyang dimdam da iti, inya inari da king lub da ing ipapate da la ring apostol.

Ding Dapat 7:56

Nganang sinabi, Lawan yu, akakit keng makabuklat ing banua at makatalakad ya ing Anak ning Tau king banda nang wanan ning Dios!

1 Corinto 4:13

e ke makibat marawak a amanu neng insultuan da kami. Mengari kaming basura keti king yatu, at pekamababang uring tau angga kaniting kaorasan!

Filipos 3:6

Tutu keng pigmasakit ing Kautusan angga king gilu ke ing iglesia. Inya nung tungkul mu king pamanupad karing kautusan, ala lang apintas kanaku.

Kapahayagan 6:9

Inyang biklat ne ning Kordero ing kalimang tatak, ikit ku la king lalam ning altar ding pete ra uli na ning amanu na ning Dios at uli na ning tapat dang pamipatutu kaniti.

Ukum 6:30

Inya ngara kang Joas, Ilual me keni ing anak mu ba mi yang paten! Lesak ne ing altar nang Baal at kinutud ne ing Asera siping na.