Juan 16:19 - Ing Mayap a Balita Biblia

¹⁹ Balu nang Jesus king buri deng kutnan, inya ngana karela, Iti wari ing kukutang yu: nung nanu ing buri kung sabian tungkul king sinabi kung Saguli na mu e yu na ku akit, at kaybat ning ditak a panaun akit yu kung pasibayu?

Juan 16:19 Iomraidhean Croise

Mateo 6:8

E kayu makiapus karela uling balu na ning kekayung Ibpa ing kekayung kailangan bayu yu pa aduan.

Mateo 9:4

Balu nang Jesus itang atyu king lub da, inya ngana karela, Obat marawak kayu isipan?

Marcos 9:32

E ra aintindian ing kabaldugan na ning sinabi nang Jesus, oneng tatakut lang mangutang kang Jesus.

Juan 13:33

Anak ko, ditak nang panaun ing akayabe yu ku. Panintunan yu ku oneng sabian ku kekayu ngeni itang sinabi ku karing Judio, E kayu makapunta king puntalan ku.

Juan 14:19

Saguli na mu at e na na ku akit ning yatu, oneng akit yu ku; uling mabie ku, ikayu man mie kayu.

Juan 16:16

Saguli na mu at e yu na ku akit at kaybat na ning ditak a panaun akit yu kung pasibayu.

Juan 16:18

Nanu kaya ing buri nang sabian ning Saguli na mu? E tamu aintindian ing sasabian na!

Juan 16:23

King aldo ita, ala na kayung aduan nanuman kanaku. Ing katutuan sasabian ku kekayu: nung maniawad kayung nanuman king Ibpa king lagyu ku, ibie na iti kekayu.

Juan 16:26

King aldo ita, maniawad kayu king lagyu ku, at e ku sasabian king aku ing maniawad king Ibpa para kekayu,

Juan 16:30

Balu mi na ngeni king balu mu ing sabla, at e na kailangan ing kutnan na ka ning ninuman. Uli na niti, paniwalan mi king menibat ka king Dios.

Juan 21:17

Kitang na king katlung besis, Simon, anak nang Juan, kaluguran mu ko? Melungkut ya i Pedro uling mekatatlu na kitang: Kaluguran mu ko? At mekibat ya, Ginu, balu mu ing sabla; balu mu king kaluguran da ka! Sinabi nang Jesus, Pakanan mu la ding tupa ku.

Juan 6:61

Oneng balu nang Jesus king mibubulungan la tungkul kaniti. Inya sinabi na karela, Magugulu kayu pamisip kanite?

Juan 7:33

Inya sinabi nang Jesus, Akayabe yu ku king ditak namung panaun at mibalik na ku ketang mitubud kanaku.

Hebreo 4:13

Ala kang asalikut nanuman king Dios. Ing sablang melalang makabuklat at makalantad king panimanman na at king Dios tamu munie kwenta tungkul king kekatamung sarili.

Kapahayagan 2:23

Paten ku la naman ding anak na ban kanita abalu da ring sablang iglesia king aku ing susuri king pusu at isip da ring tau. Ablasan ke ing balang metung kekayu ketang depat yu.