Juan 16:11 - Ing Mayap a Balita Biblia

¹¹ At tungkul king kayatulan na ning Dios: uling miyatulan ne ing pamuntuk na ning yatung iti.

Juan 16:11 Iomraidhean Croise

Genesis 3:15

Mikasama kayu ning babai; milaban la ding anak na at ding anak mu. Lasawan de ring anak na ing buntuk mu, at tuktukan mu no man ding sakung da.

Ding Dalit 68:18

King matas a taluktuk minukiat ya, dakal a bihag lang darala na, tinanggap yang regalu karing taung mig-rebeldi. Ing Ginung Dios karin manuknangan ya.

Mateo 12:18

Oyni ing kakung talasuyu a kakung pinili, ing kakung kaluguran a tutu kung katulan. Ibili ke keya ing kakung Espiritu, ipayabut na ing kakung kayatulan karing sablang tau.

Mateo 12:36

At oyni ing asabi ku kekayu: king Aldo ning Pamanukum pakibatan ding tau ing balang amanung sasabian da a alang silbi.

Lucas 10:18

Nganang Jesus karela, Ikit ke i Satanas a antimong kildap a menakbag ibat banua.

Juan 12:31

Panaun na ban atulan ya ing yatung iti. Mitabi ne ngeni ing pamuntuk na niting yatu.

Juan 14:30

E ku na pakakaban pa ing sabian ku kekayu uling daratang ne ing pamuntuk na ning yatung iti. Ala yang upaya kanaku;

Juan 16:12

Dakal ku pa buring sabian kekayu, oneng e yu pa agyung paki-intindian ngeni.

Ding Dapat 10:42

Inutus na ing manaral kami king balen na at patutuan mi karela king ya ing tilduan na ning Dios a mukum karing sablang mabie at mete.

Ding Dapat 24:25

Oneng inyang tiglus nang Pablo ing pamagsalita na tungkul king kabanalan, king pamangawat king sarili at ing tungkul king daratang a Aldo ning Pamanukum, mengilabut ya i Felix at nganang sinabi, Sige, mako na ka pa mu. Payaus da kang pasibayu potang mika panaun ku.

Ding Dapat 26:18

Ika ing mibuklat karing karelang mata at ibat king dalumdum iyarap mu la king sala, at ibat king upaya nang Satanas tairan mu la king Dios ban king kapamilatan na ning kasalpantayanan da kanaku mipatawaran la karing karelang kasalanan, at mibilang la karing taung pinili na ning Dios.

Roma 16:20

Ing Dios a panibatan na ning kapayapan, malapit na neng palupig kekayu i Satanas. Ing grasya na ning Ginu tamung Jesu-Cristo manatili kekayu.

Roma 2:16

Inya, agpang king Mayap a Balita a ipanaral ku, makanyan ing mapalyari king Aldo a atulan na ning Dios king kapamilatan nang Jesu-Cristo ing lihim dang isipan ding tau.

1 Corinto 4:5

Inya e kayu dapat mamatul kaninu man bayu miras ing oras. Manaya kayu angga king paniatang na ning Ginu a munie kamasalan karing mangalalam a lihim, at mibulalag king makasalikut dang parasan ding sablang tau. Kanita na tanggapan king Dios ning balang katau ing kapurian a mangaintulid keya.

2 Corinto 4:4

E la maniwala uling ding pamisip da binulag na la ning dios na niting yatu. Binulag na la ban e ra akit ing aslag na ning Mayap a Balita tungkul king ligaya nang Cristo a larawan na ning Dios.

Efeso 2:2

Tikian yu kanita ing marawak nang ugali niting yatu, at pepailalam kayu king prinsipi na ning dewakan, ing espiritung mag-ari karing taung e mamintu king Dios.

Colosas 2:15

At king krus a ita linupig na lang Cristo ding pamuntuk at upayang espiritual. Gewa na lang piyalben ning balen inyang linimbun na la kagulutan na kaybat ning pamagtagumpe na.

Hebreo 2:14

Anti na ning ding sablang anak, antimo ing aus na karela, tau lang ating laman at daya, i Jesus mismu mekilupa ya karela at mekisanmetung ya king karelang pangatau. Depat na iti ban king kapamilatan na ning kamatayan na akua neng paten ing diablo a makikayupayan king kamatayan.

Hebreo 6:2

ing turu tungkul king binyag at ing pamitumpak karing gamat; ing pamanyubli rang mie ding mete, at ing kayatulan a alang kapupusan.

Hebreo 9:27

Mitakda yang mate ing balang tau misan mu at kaybat na nita ukuman ne ning Dios.

2 Pedro 3:7

King upaya na mu rin ning amanu na, papanatilian ne ning Dios ing banua at yatu ban siran na king api paniatang ning Aldo ning pamanukum na, at pamakamate karing e mayap a tau.

1 Juan 3:8

Kakampi ne ning diablo ing ninumang darapat kasalanan. Uling manibat na king minuna darapat neng kasalanan ing diablo. Uli na niti, dinatang ya ing Anak ning Dios ban siran na ing dapat na ning diablo.

Kapahayagan 1:7

Pakatandanan yu iti: datang ya libutad da ring biga. Akit de ring sabla at pati na detang tinandus keya. Tumangis la ding sablang bansa na ning yatu uli na ning depat da kang Jesu-Cristo. Iti ya ing katutuan! Amen.