Juan 15:7 - Ing Mayap a Balita Biblia

⁷ Nung manatili kayu kanaku at ding amanu ku manatili la kekayu, aduan yu itang nanumang buri yu at miyabie kekayu.

Juan 15:7 Iomraidhean Croise

1 Ari 3:5

Misan a bengi, kabang atyu ya karin pepakit ya ing Ginung Dios king kapamilatan na ning paninap. Ngana kang Solomon, Nanu ing buri mung ibie ku keka?

Job 22:26

Kanita king Mayupaya ya miyabie lubus mung tiwala, at akilala mu ing ya ing panibatan ning kekang tula.

Job 23:12

Memintu kung alang kutang-kutang karing kautusan na; pemintuan kung kaburian na, at aliwa ing kaku.

Ding Dalit 119:11

King kakung pusu karin ku la selikut ding kekang kautusan ban keka e ku mikasala.

Ding Dalit 37:4

King Ginu panintunan ing tula a buri mu, at ibie na kapagnasan ning kekang pusu.

Ding Kasebian 10:24

Itang pitatakutan da ring taung e mayap ya ing miras karela, oneng ing buri da ring taung mayap ya ing karelang tanggapan.

Ding Kasebian 4:4

tiru na kung tata ku. Ngana kaku, Tandanan mu ing tuturu ku. Daptan mu ing sasabian ku keka ban kumaba ing bie mu.

Isaias 58:8

Kanita sunlag ya kekayu ing lupa ku anti ing aldo neng abak at agad lang kumayap ding sugat yu. Manatili kung atyu kekayu ban iligtas da kayu; ing panga-atyu ku kekayu ya ing mingat king sablang aldo ning bie yu.

Jeremias 15:16

Migsalita ka kanaku at pekiramdaman ku ing balang amanu mu. Keka ku, Ginung Dios a Mayupaya, inya ding kekang amanu kitmuan deng tula at ligaya ing pusu ku.

Mateo 7:7

Maniawad kayu, at mirinan kayu; manintun kayu, at manakit kayu; tuktuk kayu king pasbul, at mibuklatanan kayu.

Juan 14:13

Ing nanumang aduan yu king lagyu ku daptan ku ban mipaligayan ya ing Ibpa king kapamilatan na ning Anak.

Juan 15:16

E yu ku pinili, nune aku ing memili at tinuldu kekayu ban lumual kayu at mamunga karing bungang manatili. King uli na niti, nanumang aduan yu king Ibpa king lagyu ku, ibie na kekayu.

Juan 16:23

King aldo ita, ala na kayung aduan nanuman kanaku. Ing katutuan sasabian ku kekayu: nung maniawad kayung nanuman king Ibpa king lagyu ku, ibie na iti kekayu.

Juan 8:31

Inya sinabi nang Jesus karing Judiong meniwala keya, Nung tuparan yu ing tuturu ku, tune kayu ping alagad ku

Juan 8:37

Balu ku king lahi na kayung Abraham; makanyan man buri yu kung paten uling alang lugal ing tuturu ku karing pusu yu.

Galacia 4:2

Kabang anak ya pa, ating taung mimingat keya at manibala king pibandian na angga king panaun a tilduan nang tata na.

Galacia 5:16

Paintulut yung linawan ku ing buri kung sabian! Nung ing tukian yu ya ing Banal a Espiritu, mirayu kayu king nanumang panganib a agkat na ning kekayung laman.

Deuteronomio 6:6

E yu la kakalinguan deting kautusan na a sasabian ku ngeni kekayu.

Colosas 3:16

Labis-labis sanang manatili karing pusu yu ing amanu nang Cristo. Mituturuanan kayu at mipapamie payu king mitmung kabiasnan. Kayabe na ning kapasalamatan a makasale karing pusu yu, pagkanta ye ing Dios karing salmo at himno ampon banal a kanta.

1 Juan 2:14

Kanakung anak, silatanan da kayu uling balu yu ne ing Ibpa. Silatanan da kayu, pengaring lalaki, uling akikilala ye ing atyu na manibat na kanitang kapupurmeruan. Silatanan da kayu, ikayung kayanakan a lalaki, uling masikan kayu at manatili ya kekayu ing amanu na ning Dios at simbut yu ne ing Marawak.

1 Juan 2:27

Binie ne kekayung Cristo ing Espiritu at kabang manatili ya kekayu, e na kailangan ing ituru na kayu ning ninuman. Ing Espiritu ya ing mituru kekayu karing sablang bage, at e kalaraman ing tuturu na, nune katutuan. Pamintuan yu ing tuturu na ning Espiritu at manatili kayu kang Cristo.

1 Juan 3:22

Tatanggapan tamu ing nanumang aduan tamu king Dios, uling pamintuan ta la ding utus na, at daraptan tamu itang babie tula keya.

1 Juan 5:14

Masikan tamu lub lumapit king Dios uling balu tamu king ibie na ing nanumang aduan tamu agpang king kaburian na.