Juan 15:4 - Ing Mayap a Balita Biblia

⁴ Manatili kayu kanaku at manatili ku kekayu. E ya makapamunga ing metung a sanga king sarili na; makapamunga ya mu nung manatili yang makataid king tanaman a ubas. E kayu makapamunga nung e kayu manatili kanaku, antimo ing sanga e ya makapamunga nung e makataid king tanaman a ubas.

Juan 15:4 Iomraidhean Croise

Ing Malagung Diling Kanta 8:5

Ninu ing daratang ibat king disyerto a makasandal king keyang pakamalan? Ginising da ka karin king lalam ning tanaman a mansanas, ing lugal a kekang beitan.

Hosea 14:8

E na na la kailangan ning Israel ding idolo; pakibatan ku la ding panalangin da at ingatan ku la. Mangari kung tanaman a malabung karela a salilungan da. King kapamilatan ku mamunga la.

Mateo 12:33

Para manikua kang bungang mayap, kailangan ing atin kang tanaman a mayap; nung e ya mayap ing tanaman mu mupul kang e mayap a bunga. Uling akilala me ing tanaman karing bunga na.

Lucas 8:15

Ing bining digpa king gabun a mataba mangaintulid ya karetang dinamdam king amanu at sininup da iti kilub ning pusung mayap at mapamintu; iti menatili angga na inyang mika bunga.

Juan 14:20

Abalu yu king aldong ita king atyu ku king Ibpa at ikayu atyu kayu kanaku, nung makananu kung atyu kekayu.

Juan 17:23

aku atyu ku karela at ika atyu ka kanaku ban maging ganap lang metung. Kanita abalu na ning yatu king tinubud mu ku at liguran mu la antimo ing pamaglugud mu kanaku.

Juan 6:56

Ing mangan king laman ku at minum king daya ku manatili ya kanaku at aku manatili ku keya.

Juan 8:31

Inya sinabi nang Jesus karing Judiong meniwala keya, Nung tuparan yu ing tuturu ku, tune kayu ping alagad ku

Ding Dapat 11:23

Inyang miras ya karin at ikit na nung makananu na lang dininan grasya ning Dios, metula ya at pinayuhan na la ngan manatiling tune at tapat king Ginu a kayabe na ning mikakalukung lugud.

Ding Dapat 14:22

Pepasiknangan da la lub ding talasalpantaya a disnan da karin at inusukan da lang manatili king kasalpantayanan. Ngarang sinabi, Kailangan ta ngan dumalan dakal a kasakitan bayu tamu milub king Kayarian ning Dios.

2 Corinto 13:5

Surian yung masalese ing sarili yu nung mabibie kayu agpang king kasalpantayanan; subukan yu ing kekayung sarili. E yu wari daramdaman king sarili yu king i Cristo Jesus atyu kekayu? Subali mu nung e kayu migtagumpe.

Galacia 2:20

at nung mabibie ku ngeni aliwa na aku ing mabibie nune i Cristo ya ing mabibie kanaku. At kabang atyu ku keting yatu mabibie ku king kapamilatan na ning kasalpantayanan ku king Anak ning Dios a linugud kanaku, at miyain king sarili na alang-alang kanaku.

Efeso 3:17

Manuknangan ya sa i Cristo karing kekayung pusu king kapamilatan na ning kekayung pamanialpantaya keya ban king pamagyamut yu, at pamanalumpakan king matibe lugud

Filipos 1:11

mitmu kayu king tune kabanalan a bukud mung kang Jesu-Cristo manibatan para king ikaligaya na at ikapuri ning Dios.

Colosas 1:23

Oneng kailangan kayu ping manatiling matatag king kasalpantayanan; e matitigatig king kapanayan yu king mipangaku king Mayap a Balita a kekayung dimdam. Iti ya itang Mayap a Balitang mipanaral karing sablang tau keti king yatu at aku, i Pablo, talasuyu na na ku man ning Mayap a Balitang yan.

Colosas 1:27

Uling ing tangka na ning Dios ya iti: ipakilala na ing lihim na karing pinili na, at ipakit na karing sablang tau ing maragul a ligayang darala na niting lihim. At ing lihim a iti alang aliwa nune ini: atyu kekayu i Cristo at iti mangabaldugan king mirakayanan kayu king ligaya na ning Dios.

Colosas 2:6

Anti na ning tinggap yeng bilang Ginu i Cristo Jesus, mibiebie kayung kayabe na.

1 Tesalonica 3:5

Inyang e na ku makapibata, tinubud ke i Timoteo ban manikua kung balita tungkul king kabilian yu ngeni king pamanialpantaya king Ginu. Migaganaka ku pota alinlang na na kayu ning diablo at mayalang kabaldugan ing kekaming kapagalan kekayu.

Hebreo 10:39

E tamu kabilang karing mangalinguan at mangapahamak; nune kabilang tamu karing sasalpantaya king Dios a miligtas.

1 Juan 2:6

Ing sasabing manatili ya king Dios sukat yang mibiebie kalupa na ning bie nang Jesu-Cristo.

2 Juan 1:9

Ing ninumang lalabag at e manatili king turu nang Cristo, e ne panuknanganan ning Dios. Panuknanganan ne ning Ibpa at ning Anak ing ninumang manatili king turu nang Cristo.