Juan 15:26 - Ing Mayap a Balita Biblia

²⁶ Oneng datang ya ing Talasaup, ing Espiritu na ning katutuan a manibat king Ibpa. Itubud ke kekayu ibat king Ibpa at ya ing munie patutu tungkul kanaku.

Juan 15:26 Iomraidhean Croise

Lucas 24:49

E yu kakalinguan king aku mismu itubud ke kekayu itang pengaku nang Ibpa ku. Inya e kayu mamako king siudad anggang e yu tanggapan ing upayang ibat banua.

Juan 14:26

Oneng ing Talasaup, ing Banal a Espiritu a itubud na ning Ibpa king lagyu ku, ya ing mituru kekayu king sablang bage. Paganaka na kekayu ing sablang sinabi ku kekayu.

Juan 16:7

Ing katutuan sasabian ku kekayu: ikakayap yu ing paglako ku; uling nung e ku mako, e ya datang kekayu ing Talasaup. Nung mako ku, itubud ke kekayu.

Juan 8:42

Nganang Jesus karela, Nung ing Dios ya ing kekayung Tata, sukat ing luguran yu ku uling dinatang kung menibat king Dios. E ku dinatang king sarili kung kaburian, nune ya ing mitubud kanaku.

Ding Dapat 1:4

At inyang makatipun la nganang minie panabilin karela, E kayu mamako king Jerusalem, nune panayan ye karin ing regalung pengaku na ning Ibpa a asabi ku na kekayu.

Ding Dapat 15:8

At ing Dios a makakilala king isipan da ring tau, pepakit na ing tula na karing paganu king kapamilatan na ning pamamie na karela king Banal a Espiritu antimo nung makananu neng binie kekatamu.

Ding Dapat 5:32

Testigu kami tungkul kareting bage at anti mu rin ing Banal a Espiritu, ing regalung babie na ning Dios karing mapamintu keya.

1 Corinto 1:6

Ing aral tungkul kang Cristo malino mayayakit kekayu.

Hebreo 2:4

Pepatutuan na naman ning Dios iti king kapamilatan da ring mangayupayang tanda, milagru at miyayaliwang pagmumulalan, at king kapamilatan da ring regalu na ning Banal a Espiritu a binie na karing dakal a tau agpang king kaburian na.

Kapahayagan 22:1

Kanita pepakit nia naman kanaku ning anghel ing ilug a babie bie. Malino anting kristal ing danum na uling manibatan king tronu na ning Dios at ning Kordero.