Juan 15:2 - Ing Mayap a Balita Biblia

² Pupututan ne ing balang sanga kung e mamunga at lilinisan ne ing balang sangang mamunga ban lalu ya pang mamunga.

Juan 15:2 Iomraidhean Croise

Job 17:9

Detang sasabian da ing makatuliran la daragul nang daragul ing kapaniwalan da king ila makanyan la.

Ding Dalit 92:14

Agyang matua na la mamunga la pa; manatili lang mabie at sagiwa.

Ding Kasebian 4:18

Oneng mengari ya ing dalan na ning taung matulid king aldo a saslag; lalu yang maslag neng aldo tapat.

Isaias 27:9

Oneng mipatawaran mu ing kasalanan na ning Israel potang medunut lang mapinu ding sablang batu karing altar a paganu, at anggang e la magisan milako ding sagradung tulus a simbolo na ning diosang i Asera at ding altar a pidurulukan insenso.

Isaias 29:19

Pasibayu rang akit ding pakakalulu at taung mapagkumbaba ing tulang babie na ning Ginu, ing banal a Dios ning Israel.

Daniel 11:35

Mate la ding mapilan karetang mangabiasang pamuntuk, oneng ing maging bunga na ya ing maging puru la ding tau. Misundu angga king datang ing kawakasan, ing panaun a tikda ning Dios.

Hosea 6:3

Magkapilit tamung abalu ta ya. Siguradu yang datang kekatamu antimo nung makananu yang daratang ing abak. Datang ya kekatamu anti ing uran a didilig king yatu king panaun ning kauran.

Malakias 3:3

Datang ya ban manukum a kalupa na ning taung maminu at gagawang puru king pilak. Nung makananu neng gagawan puru ning plateru ing pilak at ing gintu, makanyan munaman ing daptan na ning tubud ning Ginu: gawan na lang puru ding pari ban idala da la king Ginu detang karampatan a ain.

Mateo 13:12

Uling itang atin na, mirinan ya pa ban maging labis-labis itang atyu keya; oneng itang ala, pati na itang ditak a atyu keya milako pa.

Mateo 13:33

Selitanan na lang metung pang talimhaga. Ngana, Ing Kayarian ning Banua kalupa ne ning lebadurang sinamut na ning metung a babai king atlung gatang a arina ba nang papagalsan ing masa.

Mateo 15:13

Mekibat ya i Jesus, Putputan ne ning Ibpa kung atyu banua ing balang tanaman a e na tenam.

Mateo 21:19

Menakit yang metung a tanaman a higerang tutubu king lele dalan. Lepitan ne, oneng ala yang ikit nanuman nune mu bulung. Inya sinabi na king higera, E na ka mikabunga kapilan man! Kanita mu rin melangi ya ing tanaman.

Mateo 25:29

Uling itang atin na mirinan ya pa angga king maging labis-labis ing atyu keya; oneng itang ala pati na itang ditak a atyu keya milako pa.

Mateo 3:10

Ngeni pa makasadia neng dugpa ing palakul karing yamut da ring tanaman, ban ing isanu mang tanaman a e mikakabungang mayap, makutud ya at miyugse king api.

Mateo 3:12

Atyu king gamat na ing sabungke na; linisan na ing pidadaran na at tipunan na ing pale king kamalig na, oneng dulukan na ing sepu king aping e matatda kapilan man.

Mateo 7:19

Kuturan ya ing balang tanaman a e mamungang mayap at iyugse king api.

Marcos 4:20

Oneng ding aliwa kalupa da ing bining digpa king gabun a mataba; pakiramdaman da at tatanggapan ing amanu at mamunga la: ating mikakabungang titlung pulung binutil, ating tianam apulu, at ating tiadinalan.

Lucas 8:13

Ding bining digpa king gabun a mabatu ila naman detang dinamdam king amanu at tinggap dang matula. Oneng e tinaglus king pusu ra. Meniwala la sinaguli, oneng painggulut la potang daratang ing kapagsubukan.

Juan 15:1

Aku ing tune tanaman a ubas at ing Ibpa ku ya ing mananaman.

Juan 15:16

E yu ku pinili, nune aku ing memili at tinuldu kekayu ban lumual kayu at mamunga karing bungang manatili. King uli na niti, nanumang aduan yu king Ibpa king lagyu ku, ibie na kekayu.

Juan 15:3

Malinis na kayu ngeni uli na ning amanung sinabi ku kekayu.

Juan 15:6

Mangari ya ing e manatili kanaku king metung a sangang miyugse at langi ya. Titipunan la ding anti kareting sanga at iyugse king api at maduluk la.

Juan 15:8

Mipaligayan ya ing Ibpa ku, nung mamunga kayung dakal at king makanyan a paralan maging alagad da kayu.

Juan 17:12

Kabang kayabe da ku iningat ku la king kapamilatan na ning upaya ning lagyu mu, ing lagyung binie mu kanaku. Iningat ku la at metung man karela alang mebating, subali mu king metung a kusang lub a migpakabating ban matupad ya ing kasulatan.

Roma 11:17

Ding mapilan karing sanga na ning tanaman a olibong mesese mepakli la at ing sanga na ning tanaman a olibong kabud na tinubu misusug ya keya. Ikayung paganu mengari kayu ketang olibong kabud na tinubu at ngeni misusug kayu king sikanan at bie rang manawa ding Judio.

Roma 11:22

Keti tamu akakit nung nu anti ing ganaka na ning Dios at nung nu anti ing bigsikan na. Pagbagsikan na la detang sangang metanggal, oneng maganaka ya kekayu, nung manatili kayu king mayap nang lub; nung ali kayu, ikayu man mangapakli kayu.

Roma 8:28

Balu tamu king karing sablang bage darapat ya ing Dios para king ikakayap da ring malugud keya, ding inaus na at pinili agpang king parasan na.

1 Corinto 13:1

Nung makapagsalita ku karing amanu da ring tau at ding anghel, oneng ala na ku mang lugud, mangari mu ing amanu ku king kampanang bibiung o king pompiang a kakalaksing.

Tito 2:14

Binie na ing sarili na para kekatamu ba na katamung sagipan king sablang e mayap at gawan na katamung bansang bandi nang sarili, malinis at makatalaga king pamaniapat mayap.

Hebreo 12:15

Ingatan yu king ing ninuman e ya mangalinguan king lugud na ning Dios. Ingatan yung ing ninuman kekayu e ya maging kalupa na ning tanaman a makalasun a tutubu, at makasakit karing sablang darasnan na.

1 Juan 2:19

E ta la tune kayabe deting tau, inya likuan da katamu. Uling nung tune lang kayabe tamu, menatili la sanang kayabe tamu. Oneng meko la, inya malino king ila ngan e la tune kekatamu.

Kapahayagan 3:19

Sasabianan ku la at didisiplinan ding sablang kaluguran ku. Inya magkapilit ka at sisian ing kasalanan mu.