Juan 15:16 - Ing Mayap a Balita Biblia

¹⁶ E yu ku pinili, nune aku ing memili at tinuldu kekayu ban lumual kayu at mamunga karing bungang manatili. King uli na niti, nanumang aduan yu king Ibpa king lagyu ku, ibie na kekayu.

Juan 15:16 Iomraidhean Croise

Genesis 18:18

ngening malapit neng maging metung a bansang maragul ampon mayupaya, at kang Abraham da atagpuan ding sablang bansa keti king yatu ing karelang ikasaplala?

Ding Dalit 145:4

Ing kekang dapat purian da manibat king metung a lahi angga na ketang katuki na; ibalita da ing mayupaya mung dapat.

Ding Dalit 71:18

Ngening matua na ku at maputi na buak, O Dios ko, e mu ku sana lalakuan. Mantabe ka kaku kabang ipamalita ku pa karing lahing daratang ing kekang kayupayan at sikanan.

Ding Kasebian 11:30

Babie bie ing darapat kayapan, oneng sisiran na ning pamanampalasan.

Isaias 27:6

Karing aldo datang, ding memalen na ning Israel, ding lahi nang Jacob, magyamut lang anti ing tanaman; manyampaga la at mamunga. Mikatmuan ya ing yatu karing bunga da.

Mikeas 5:7

Mangari la ding memalen na ning Israel a miligtas king ambun a makapasno a peparala na ning Ginu para karing dakal a bansa; mangari lang patak ning uran a didilig karing tutubung tanaman. Manalig la king Ginu at e king tau.

Mateo 21:22

Nanuman ing aduan yu king kekayung pamanalangin tanggapan yu, nung atin kayung kasalpantayanan.

Mateo 7:7

Maniawad kayu, at mirinan kayu; manintun kayu, at manakit kayu; tuktuk kayu king pasbul, at mibuklatanan kayu.

Lucas 6:13

Inyang mayabak na, inaus na la ding alagad na. Memili yang labing adua kareti at inaus na lang apostol:

Juan 13:18

E para kekayu ngan ing sasabian ku. Balu ku la ding kanakung pinili. Oneng sukat matupad ing sasabian ning kasulatan, Pildak na ku ning pepakan ku.

Juan 15:19

Nung para king yatu kayu, luguran na kayu ning yatu anting keya. Oneng e kayu para king yatu, nune pinili da kayung ibat king yatu, inya kasaman na kayu ning yatu.

Juan 15:5

Aku ing tanaman a ubas, ikayu ding sanga. Ing manatili kanaku at aku keya, mamunga yang dakal; uling ala kayung arapat nanuman, nung makakawani kayu kanaku.

Juan 6:70

Pekibat nang Jesus, E ra kayu wari pinili ikayung labing adua? Makanyan man ing metung kekayu diablo ya!

Ding Dapat 1:24

Kaybat ngarang menalangin, Ginu, atataruk me pilubluban ing balang tau. Uli na niti, O Ginu, ipakit mu kekami nung ninu kareting adua ing kekang pinili

Ding Dapat 1:8

Oneng mikatmuan kayung upaya potang datang ne kekayu ing Banal a Espiritu at ikayu ding maging testigu ku king Jerusalem, king mabilug a Judea at Samaria at angga na karing wakas ning yatu.

Ding Dapat 10:41

e king mabilug a balen nune karing mapilan a testigung pinili nang makapauna ning Dios. Ngeni ikami ding testigung deta; kasulu mi ya king pamangan at pamaninum kaybat nang sinubling mebie.

Ding Dapat 22:14

Ngana kanaku, Ing Dios da ring kekatamung makatua pinili na kang makakilala king kaburian na, manakit king banal nang Talasuyu at damdaman meng magsalita king sarili nang bosis.

Ding Dapat 9:15

Oneng ngana ning Ginu, Sulung munta ka, uling pinili keng sumuyu kanaku ba neng ipabalu ing lagyu ku karing paganu ampon karing ari at karing memalen na ning Israel.

Roma 1:13

Kapatad, buri kung abalu yu king mekatapilan na ku migsadiang magbisita kekayu, oneng parating ating babie sagabal kanaku [inya angga ngeni e ku pa mibalaus]. Bisa ku namang makapanagkat kekayu, antimo ing depat ku karing aliwang bansa.

Roma 1:5

King kapamilatan na, binie na kanaku ning Dios ing pribilehiung maging apostol ban king lagyu nang Cristo idala la ding sablang bansa king pamaniwala at pamamintu keya.

Roma 15:4

Ing sablang misulat karing Kasulatan misulat ban ituru da katamu, at ban mika kapanayan tamu king kapamilatan na ning kapibabatan at sikanan lub a babie da ring Kasulatan.

Roma 9:21

E wari ing taung gagawang lulanan atin yang upayang gumamit king pila agpang ketang buri na at gawang aduang lulanan king metung mung tumpuk a pila; ing metung magamit ya king espesyal a okasyun at ing metung naman para king karaniwan a pamangamit?

1 Corinto 10:11

Mepalyari la deting sablang bage ban maging lisyun la para karing aliwa, at misulat la bilang babala para kekatamu. Uling mabibie tamu king panaun a malapit nang miwakasan.

Galacia 1:15

Oneng ing Dios, king mal nang grasya, pinili na na ku kanita pang atyu ku king atian nang ima ku, at inaus na kung sumuyu keya. At inyang birian na neng

Efeso 2:10

Uling ing Dios ya ing linalang kekatamu; lelangan na katamu king kapamilatan nang Cristo Jesus ban idikil ing bie tamu king pamaniapat mayap a sidia na na ning Dios keta pang minuna para kekatamu.

Colosas 1:23

Oneng kailangan kayu ping manatiling matatag king kasalpantayanan; e matitigatig king kapanayan yu king mipangaku king Mayap a Balita a kekayung dimdam. Iti ya itang Mayap a Balitang mipanaral karing sablang tau keti king yatu at aku, i Pablo, talasuyu na na ku man ning Mayap a Balitang yan.

Colosas 1:6

Magdala yang bendisyun ing Mayap a Balita at mikakalat ya king mabilug a yatu, antimo nung makananu ing mepalyari kekayu manibat na kanitang aldo a kapupurmeruan yung abalitan ing grasya na ning Dios at milyaring yung akilala ing katutuan tungkul king grasya ning Dios.

1 Timoteo 2:7

Makanyan kung mituburan maging apostol at talaturu da ring paganu ban ipanaral ku karela ing kasalpantayanan at ing katutuan. Tutu ing kanakung sasabian; e ku maglaram.

2 Timoteo 1:11

King uli na niti, mitulduan kung apostol at talaturu ban ipanaral ke ing Mayap a Balita,

2 Timoteo 2:2

Ding bage a dimdam mu kanaku king arapan ding dakal a saksi keka lang ituru karing taung apagkatiwalan mung turu munaman karing aliwa.

Tito 1:5

Likuan da ka Creta ban samasnan mu la ding bage kailangan pang ibayu at ban tuldung makatuang talapangasiwa king iglesia na ning balang balen antimo ing penabilin ku keka.

Hebreo 11:4

Ing kasalpantayanan nang Abel ya ing mekagawa ketang pamanain na king Dios king metung a ain a maygit ketang kang Cain. Inya kilala neng taung katanggap-tanggap ning Dios inyang tinggap na ing ain na. King kapamilatan na ning kasalpantayanan na, magsalita ya pa i Abel agyamang mete ne.

Santiago 3:18

Ing kayapan ya ing bunga na ning kapayapan a sasalbag da ring taung malugud king kapayapan.

1 Pedro 3:15

Makagyung samban ya i Cristo king mabilug yung pusu at kilalanan ye bilang Ginu. Manatili kayu sanang makasadiang makibat karing taung mangutang tungkul king kapanayan na ning kapayapan a atyu kekayu ngan. Ibie yu sana king mitmung ganaka at kagalangan.

1 Pedro 3:2

uling ila mismu akit da kekayu ing wagas at mayap a panugali.

1 Juan 4:10

Iti ya ing lugud: e uling kaluguran ta ya ing Dios, nune itamu ding liguran na at tinubud ne ing Anak na ban atbusan na ing kasalanan tamu.

1 Juan 4:19

Lulugud tamu uling minuna na katamung liguran ning Dios.