Juan 15:15 - Ing Mayap a Balita Biblia

¹⁵ E da na kayu ausan ipus, uling e na balu ning ipus ing daraptan na ning panginuan na. Inya inaus da kayung kakaluguran uling pepabalu ku kekayu ing sablang dimdam ku kang Ibpa ku.

Juan 15:15 Iomraidhean Croise

Ding Dalit 25:14

Kakaluguran na la ning Ginu ding mamintu karing utus na, at karela pabalu nang kasunduan na.

Ding Kasebian 18:24

Ating pamakikaluguran a e maglambat; atin munamang kakaluguran a tapat kesa karing kapatad.

Amos 3:7

Kapilan man e ya darapat nanuman ing Ginung Dios a e no mo sa pepabaluan king planu na ding propetang talasuyu na.

Mateo 13:11

Nganang mekibat, Kekayu miyabie ing makabalu karing lihim tungkul king Kayarian ning Banua, oneng e miyabie karela yan.

Lucas 10:23

Kanita belikdan na lang Jesus ding alagad at sinabi nang lihim karela, Kapalad da ring taung manakit king akakit yo!

Juan 12:26

Ing ninumang bisang sumuyu kanaku kailangan yang tuki kanaku; nung nu ku karin, karin ya naman ing talasuyu ku. Parangalan neng Ibpa ku ing ninumang susuyu kanaku.

Juan 13:16

Ing katutuan sasabian ku kekayu: e ya maygit ing ipus king panginuan na ni e ya maygit ing tinubud king mitubud keya.

Juan 15:20

Ganakan yu ing sinabi ku kekayu: E ya maygit ing ipus king panginuan na. Nung ligaligan da ku, ligaligan da kayu naman. Nung tiparan da ing amanu ku, tuparan da naman ing kekayu.

Juan 16:12

Dakal ku pa buring sabian kekayu, oneng e yu pa agyung paki-intindian ngeni.

Juan 17:26

Pepakilala da ka karela at ipakilala da ka pa ban ing lugud mu kanaku miyabie karela, at aku manatili ku karela.

Juan 20:17

Nganang Jesus kang Maria, E mu ku tatagkilan uling e ku pa pepaitas papunta king Ibpa. Munta ka karing kapatad ku at sabian mu karela king paitas na kung magbalik kang Ibpa ku at Ibpa yu, king Dios ku at king Dios yu.

Juan 4:19

Ngana ning babai, Aintindian ku, ginu, king metung kang propeta.

Juan 8:26

Dakal ku sukat sabian at atulan tungkul kekayu. Oneng ing mitubud kanaku tutu ya at ing dimdam ku keya ya mu ing sasabian ku king yatu.

Ding Dapat 20:27

Uling king pamipabalu ku kekayu king kabilugan nang parasan ning Dios, ala kung selikut nanuman.

Roma 7:15

E ku aintindian ing mismung daraptan ku; uling e ku daraptan ing kailangan kung daptan, nune ing ararapat ku ya ing kabud ing kasaman ku.

1 Corinto 2:16

Antimo ing sasabian na ning kasulatan, Ninu ing makibalu king pamisip ning Ginu? Ninu ing makaibie payu keya? Oneng atyu kekatamu ing pamisip nang Cristo.

Galacia 4:6

Anting katunayan king ikayu pin anak na kayu, tinubud ne ning Dios ing Espiritu na ning Anak na karing pusu tamu, ing Espiritung mamaus masikan, Tatang, kanakung Tatang.

Efeso 1:9

ban lubus tamung aintindian ing makalihim nang parasan. Iti ya ing parasan a daptan na king kapamilatan nang Cristo.

Efeso 3:5

E mipasiag iting misteryo karing tau king milabas a panaun, oneng ngeni pepabalu na ning Dios king kapamilatan na ning Espiritu karing banal nang apostol at propeta.

Colosas 1:26

At iti ya ing misteryong milihim king malambat a panaun karing sablang tau, oneng ngeni bilalag na ning Dios king balen a pinili na.

Filemon 1:16

Magbalik ya keka e mu anting ipus, nune maygit pa king ipus uling metung ya ngening kapatad a pakamalan. Mal ya kanaku; oneng sukat yang lalung maging mal keka bilang kalupa mung tau at kapatad king Ginu!

Santiago 1:1

Ibat ya iting sulat kang Santiago, ing talasuyu ning Dios at ning Ginung Jesu-Cristo. Pupugayan ku la ngan ding sablang pinili na ning Dios, ding makakalat king mabilug a yatu.

Santiago 2:23

Metupad ing sasabian na ning Kasulatan, Sinalpantaya ya i Abraham king Dios at uli na ning kasalpantayanan na tinggap ne ning Dios. Inya ing Dios inaus neng kakaluguran i Abraham.

1 Pedro 1:11

Sinuri da ing panaun at paralan na ning paniatang na niti. Ing Espiritu nang Cristo a atyu karela ya ing tutuldu kaniting panaun, uling iting Espiritu ya ing pepabalung makapauna karela tungkul king kasakitan a sukat nang dalanan Cristo at king kaligayan a salisi.

2 Pedro 1:1

Ibat ya iting sulat kang Simon Pedro, ing metung karing talasuyu at apostol nang Jesu-Cristo. Miparala ya kekayung dininan na ning kekatamung Dios at Talapagligtas a i Jesu-Cristo, king maulagang kasalpantayanan a kalupa na ning kekami, ketang katuliran na.

Judas 1:1

Ibat ya iting sulat kang Judas, ing talasuyu nang Jesu-Cristo at kapatad nang Santiago. Miparala ya karing sablang inaus na ning Dios, ding mabibie king lugud na ning Dios Ibpa at king saup nang Jesu-Cristo.

Kapahayagan 1:1

Iti ya ing kapahayagan na ning Dios kang Jesu-Cristo, at pepahayag na king talasuyu nang i Juan king kapamilatan na ning anghel na. Miyabie ya iting kapahayagan ban ipabalu la karing talasuyu na ning Dios ding bage a malapit nang mapalyari.