Juan 15:14 - Ing Mayap a Balita Biblia

¹⁴ Kakaluguran da kayu, nung tuparan yu la ding utus ku.

Juan 15:14 Iomraidhean Croise

1 Ari 4:5

i Azaria, ing anak nang Natan, ya ing pamuntuk ding gobernador da ring probinsia; i Zabud a pari at anak na namang Natan, ya ing babie payu king ari;

2 Ari 18:6

Menatili yang tapat king Ginu at e sinalangsang karing utus na. Pemintuan na la ngan ding utus a binie ning Ginu kang Moises.

2 Cronica 20:7

Aliwa wari ika ing kekaming Dios, at aliwa wari ika ing mitabi karing tau na niting bansa ban kanita aibie me karing memalen mung Israelita a lahi nang Abraham a kekang kaluguran ban maging bandi ra king kapilan pa man?

Exodo 7:6

Gewa nang Moises at Aaron itang inutus na ning Ginu.

Ding Kasebian 18:24

Ating pamakikaluguran a e maglambat; atin munamang kakaluguran a tapat kesa karing kapatad.

Ing Malagung Diling Kanta 5:1

Linub ku king kakung mulahan, ing kakung kakaburi at kakung ketanguanan. Mangua kung mira at aliwa pang mabanglung tanaman; mangan kung pulut at pulut ding panilan; inuman ku ing alak at ing gatas. Mangan kayu, O malsinta, at minum angga king lasing kayu!

Isaias 41:8

Oneng ika, Israel, a kakung talasuyu, ika ing balen a pinili ku, ing lahi nang Abraham a kakaluguran ku.

Jeremias 32:23

Oneng inyang miras na la keting gabun at karela yang bindian, e da na la tiparan ding utus mu at e la mibiebie agpang karing turu mu. Ala lang bitasang tiparan karing bage inutus mung daptan da. Inya naman dela mu karela iting sablang kasiran.

Ezekiel 12:7

Tiparan ku ing sinabi na ning Ginu. King aldo mu ring ita migbalutan ku antimo ing taung magbakwit. At king benging ita, karing gamat ku ginawa kung busbus king pader at linual ku. Kabang makalawe ya ing balang metung, binili ke king pago ku ing balutan at saka na ku meko.

Mateo 12:50

Ninuman ing tutupad king kaburian nang Ibpa kung atyu banua, ya ing kanakung kapatad at kanakung ima.

Lucas 12:4

Sasabian ku kekayu, kakaluguran, e yu la pitatakutan ding makapate king katawan at kaybat ala na lang arapat pang marawak.

Juan 13:17

Balu yu la deting bage at mapalad kayu nung tuparan yu la!

Juan 14:15

Nung kaluguran yu ku, pamintuan yu la ding utus ku.

Juan 14:21

Ing tatanggap karing utus ku at tutupad kareti ya ing malugud kanaku. At luguran neng Ibpa ku itang malugud kanaku. Luguran ke at ipakilala ku keya ing kanakung sarili.

Juan 14:28

Dimdam yung sinabi ku, Mako ku, oneng mibalik ku naman kekayu. Nung liguran yu ku, sukat kayung tumula king munta ku king Ibpa uling maygit ya kanaku ing Ibpa.

Juan 2:5

Nganang sinabing ima na karetang ipus, Daptan yu ing nanumang sabian na kekayu.

Santiago 2:23

Metupad ing sasabian na ning Kasulatan, Sinalpantaya ya i Abraham king Dios at uli na ning kasalpantayanan na tinggap ne ning Dios. Inya ing Dios inaus neng kakaluguran i Abraham.

1 Juan 5:3

Uling ing pamaglugud king Dios mangabaldugan pamanupad karing kautusan na. At e na la man masakit tuparan ding kautusan na,

Ruth 3:6

Inya minta ya i Ruth ketang lugal nung nu la dadara, at tiparan na ing sablang sinabi na ning katuangan na.